Bota

U godit mbi 10 herë me thikë në trup, shkrimtari Salman Rushdie del nga intubimi



Bëhu pjesë e Grupit Zyrtar të Opinion.al
>> KËTU <<
               Publikuar në : 09:28 - 14/08/22 |
Opi Nion

Një ditë pasi u godit me thikë, shkrimtari Salman Rushdie, ka dalë nga intubimi dhe është në gjendje të flasë sërish.

Rushdie, 75 vjeç, u sulmua teksa fliste në një leksion të hapur në shtetin e Nju Jorkut dhe ishte në gjendje kritike për jetën.

Agjenti i tij, Andrew Wylie, konfirmoi lajmin për mediat amerikane, por më parë kishte deklaruar se autori mund të humbiste njërin sy për shkak të plagëve të marra.

BBC shkruan se, Rushdie është përballur me vite të tëra me kërcënime me vdekje për romanin e tij “Vargjet Satanike”, të cilin disa muslimanë e shohin si blasfemi.

Personi i akuzuar për sulmin është lënë në paraburgim. Hadi Matar, 24-vjeç akuzohet se ka dalë në skenë dhe ka goditur me thikë shkrimtarin Rushdie të paktën 10 herë në fytyrë, qafë dhe bark.

Përpara sulmit, Rushdie ishte gati të mbante një fjalim se si SHBA ka shërbyer si një parajsë për shkrimtarë si ai.

Romancieri u detyrua të fshihej për gati 10 vjet pas botimit të Vargjeve Satanike në 1988.

Shumë muslimanë reaguan ashpër ndaj tij, duke argumentuar se portretizimi i Profetit Muhamed ishte një fyerje e rëndë për besimin e tyre.

Ai u përball me kërcënime me vdekje dhe udhëheqësi i atëhershëm iranian, Ayatollah Ruhollah Khomeini, nxori një fetva ose dekret duke bërë thirrje për vrasjen e Rushdie, duke vendosur një shpërblim prej 3 milion dollarësh.

Kanë qenë të shumtë ata që kanë dalë në mbrojtje të shkrimtarit dhe sulmin e kanë cilësuar si një sulm ndaj lirisë së shprehjes./Opinion.al

 

Pas