Ndërsa Papa Françesku po konsideron lehtësimin e masës që ndalon burrat e martuar të shërbejnë si priftërinj, Papa Benedikti i 16-të ka dalë në mbrojtje të beqarisë priftërore në Kishën katolike.
Papa Benedikti i cili u tërhoq nga detyra në vitin 2013, e bëri këtë apel në një libër, bashkautor i të cilit është kardinali, Robert Sarah.
Ai tha se nuk mund të qëndronte në heshtje për këtë çështjeje, pasi sipas tij beqaria, një traditë e vjetër shekullore brenda kishës, ka “rëndësi të madhe”,pasi lejon pjesëtarët e klerit të fokusohen te detyrat e tyre. Sipas tij, nuk është e mundur të realizohen të dyja “profesionet” njëkohësisht.
Vatikani nuk ka reaguar ende lidhur me deklaratat e Benediktit, por për analistët ndërhyrja shënon një shkelje serioze të rregullave pasi është hera e parë që një Papë që ka dhënë dorëheqjen, ndërhyn në çështje të kishës.
Kujtojmë se arqipeshkvët nga e gjithë bota u mblodhën në tetor për të diskutuar të ardhmen e kishës në Amazonë, dhe në përfundim të takimit u propozua që në disa zona të largëta të rajonit priftërinjtë e martuar mund te shërbejnë./Opinion.al
