I pari që paralajmëroi masa ishte Ministri i Brendshëm. Vendimin e tij e mbështeti dhe shefi i qeverisë, pas pamjeve te dhimbshme që u transmetuan në gjithë mediat për një konflikt për çështje pronësie pranë shkollës “Petro Nini”. Kështu në mbrëmje “kurban” u bë drejtori i Policisë së Tiranës, Kastriot Skënderaj.
Ai është diplomuar “Specialist i Lartë Policie” pasi përfundoi studimet në Shkollën e Lartë të Policisë në Ministrinë e Brendshme. Në periudhën kohore nga viti 1985 deri në vitin 1989, ka ndjekur studimet në Shkollën e Lartë në Ministrinë e Brendshme.
Gjatë karrierës së tij, formimi akademik plotësohet me një sërë kursesh trajnimi brenda dhe jashtë vendit si në Kroaci, Itali, Turqi, Mal i Zi, Maqedoni, Hungari dhe Akademinë e Sigurisë, Tiranë, të organizuara nga PAMECA dhe ICITAP. Skënderaj ka eksperiencë prej 28 vitesh si oficer karriere në Policinë e Shtetit. Ai qëndroi në këtë detyrë rreth një vit, pasi u emërua në muajin Shkurt të vitit 2018.
CV e tij
Karriera e tij profesionale fillon si Oficer i Policisë Kriminale në Tepelenë (1989-1991)
Në vitin 1991 është emëruar shef i Policisë Kriminale në Tepelenë
Në vitin 1995 është emëruar shef i Policisë Kriminale në Komisariatin e Policisë Fier
Në vitin 1998 është emëruar shef i Policisë Kriminale në Komisariatin e Policisë Gjirokastër.
Në vitin 2001 është emëruar shef Sektori i Policisë Kriminale në Komisariatin e Policisë Lushnjë
Në vitin 2002 është emëruar Specialist Kundër Krimit të Organizuar pranë Prokurorisë së Përgjithshme
Në vitet 2003-2004 është emëruar shef Komisariati në qytetin e Pogradecit
Në vitet 2004-2005 është emëruar Drejtor i Drejtorisë Vendore të Policisë Korçë.
Në vitet 2005-2012 është emëruar Specialist në Drejtorinë Kundër Krimeve të Rënda dhe Krimit të Organizuar në Drejtorinë e Përgjithshme të Policisë të Shtetit
Në vitin 2012 është emëruar shef Komisariati në qytetin e Sarandës
Në vitet 2013-2014 ka mbajtur detyrën e Drejtorit të Drejtorisë Vendore të Policisë Vlorë
Në vitin 2014, Skënderaj ka mbajtur pozicionin e Drejtorit të Drejtorisë Vendore të Policisë Gjirokastër/ Opinion.al
