Kronikë

U arrestua për vrasje me pagesë, kush është shkodrani që mori peng shokun


Bëhu pjesë e Grupit Zyrtar të Opinion.al
>> KËTU <<
               Publikuar në : 21:20 - 02/10/20 |
Opi Nion

Ditën e sotme Policia e Shtetit njoftoi se ka arrestuar në Gjirokastër Dod Gjikolajn, i cili rezulton në kërkim ndërkombëtar të shpallur nga Gjykata Themelore në Gjakovë. 41-vjeçari Gjikolaj akuzohet se ka kryer disa vrasje me pagesë në Kosovë.

Pas vendimit nga Gjykata e Gjakovës, Departamenti për Krimet e Rënda në Kosovë, ka lëshur urdhër arresti ndërkombëtar në ngarkim të Gjikolaj, për veprat penale “Vrasje” dhe “Armëmbajtje pa leje të armëve dhe municioneve luftarake dhe shpërthyese”.

Por kush është Dodë Gjikolaj?

41 vjecari është i njohur edhe për drejtësinë shqiptare. Emri i tij do të bëhej publik në gusht të vitit 2017. Gjikolaj do të arrestohej nga policia e Shkodrës pasi ai kishte marrë peng një 31-vjeçar nga Malësia e Madhe, Pjetër Narkaj, për një shumë parash prej 4 mijë eurosh, borxh i vjetër i pakthyer nga 31 vjecari.

Si ndodhi  ngjarja?

Dodë Gjikolaj do të kërkonte takim me 31 -vjeçarin për të sqaruar borxhin por gjithçka do të kalonte në konflikt mes të dyve derisa 41- vjeçari Gjikolaj do të nxirrte armën, do e fuste me dhunë në makinë të riun dhe do të largohej me shpejtësi.

Denoncimi për pengmarrjen do e jepnin familjarët e të riut e menjëherë më pas blu-të u vunë në ndjekje të Gjikolajt.

Në tentativë për ta ndaluar, Gjikolaj do ti largohej me shpejtësi efektivëve të cilët i kishin bërë shenjë për ta ndaluar.

Arratia dhe pengmarrja nuk zgjati më shumë se 12 orë.

Pas arrestimit të tij, Gjikolaj mohoi çdo akuzë dhe u shpreh se thjesht ishte takuar me Pjetër Narkajn, për të folur në lidhje me një borxh.

Për këtë arsye, grupi hetimor dyshonte se i gjithë rrëmbimi u inskenua, pasi Narkaj i kishte një borxh prej 4 mijë eurosh, Gjikolajt.

E bindur për akuzën, Prokuroria përpiloi dosjen e Dodë Gjikolajt, që në atë kohës ishte 38 vjeç dhe e akuzoi për pëngmarrje.

Mirëpo, sapo kaloi një vit nga kjo ngjarje, Gjikolaj u përfshi në një tjetër krim.

Ai akuzohet se është autor i vrasjes me eksploziv i Haxhi Ahmetit në Gjakovë, ngjarje e ndodhur më 14 tetor të vitit 2018 në Smolicë të Gjakovës.

Eksplozivi që i mori jetën Ahmetit, ishte vendosur në derën e shtëpisë së viktimës, dhe dyshohet se këtë gjë e ka bërë Gjikolaj.

Dodë Gjikola dyshohet të jetë pjesë e një bande që kryente vrasje dhe shpërthime me eksploziv në Kosovë.

Gjikola tashmë do të duhet të përballet me Drejtësinë Kosovare për ngjarjet që akuzohet, për të cilat pritet të ekstradohet së shpejti.

Pas