Politikë

U angazhua tek PD, çfarë mendon Floriana Garo për Edi Ramën?


Bëhu pjesë e Grupit Zyrtar të Opinion.al
>> KËTU <<
               Publikuar në : 19:53 - 13/03/21 |
Opi Nion

Floriana Garo, prej pak kohësh është zëdhënësja e fushatës së Partisë Demokratike. Në një intervistë për “News24”, Garo ka treguar pse ka vendosur të angazhohet në politikë.

Ajo shprehet se ka qenë kreu i PD, Lulzim Basha ai që i ka bërë ftesë për t’iu bashkuar ekipit të kësaj partie pak para mbajtjes së zgjedhjeve parlamentare të 25 prillit.

Floriana Garo thotë se ka qenë dhe dëshira e saj që të kontribuonte në Partinë Demokratike, teksa shton se qëllimi është që të vijojë rrugëtimin e saj politik në këtë forcë politike.

 “Ftesën ma bëri Lulzim Basha por unë vetë kam shprehur dëshirën për të kontribuar në PD. Ka qenë një vendim i diskutuar me familjen dhe isha e gatshme të jepja kontributin tim. Misioni do të vijojë, jam kthyer me këtë qëllim. Është e rëndësishme që njeriu të provojë veten, por synimi është për të vijuar. Tek opozita shoh shpresën e munguar, këto tetë vite duke qenë katër vite larg Shqipërisë, e kam parë me një tjetër sy. E kam parë kur nuk rritej dhe zhvillohej dhe më ka ardhur keq. Është koha për ndryshim dhe tek PD e shoh entuziazmin për të ndryshuar. Kam zgjedhur të jem e djathë prej kohësh, thellë përbrenda jam e tillë, prandaj zgjodha PD”, tha Garo.

Gjatë intervistës, Garo është pyetur dhe se çfarë mendimi ka për kryeminsitrin Edi Rama, për të cili tha se është arrogant me qytetarët.

“Kryeministri është personi që e qeveris vendin, është personi që tregon këtë imazh, flet me imazh, është njeriu karzimatik që njerëzit thonë, por kaq. Njeriu duhet të mbahet mend për çfarë ka bërë dhe jo për imazhin. Ky është problemi për mua, por edhe arroganca e shprehur prej tij s’më ka pëlqyer. Sheh rrejtët e tij sociale sheh një lloj arrogance në foto, mënyrën se si i flet njerëzve, kështu që nuk jam dakord”.-tha Garo./Opinion.al

 

Pas