-U tha në Opinion

Turistë në verë? Mazniku: Shqipëria ka shansin të kthehet në “COVID safe”


               Publikuar në : 22:42 - 06/05/20 |
Opi Nion

Një grup sondazhesh të realizuara nga “Opinion”, kanë pyetur qytetarët lidhur me perceptimin e tyre për mënyrën se si do të rikthehemi në jetën normale, për shkak të epidemisë së shkaktuar nga koronavirusi.

Të pyetur se nëse mendojmë që do të kthehemi në normalitet pas 23 Qershorit,  65 % e qytetarëve thanë po dhe 35% e votuesve u përgjigjën me jo.

Por një tjetër element i rëndësishëm në jetën e qytetarëve është ekonomia dhe ringritja e saj.

Nënkryetari i bashkisë së Tiranës Arbian Mazniku, pranoi se ekonomia shqiptare  është goditur në mënyrë thelbësore për shkak të Covid.

“Ekonomia është goditur në mënyrë thelbësore në disa nga sektorët kyç, si turizmi ku prisnim një vit shumë të mirë, eksportet, industria fasone. Për sa kohë që dyqanet e rëndësishme të rrobave në botë për të cilët fasoneritë tona prodhojnë janë mbyllur. Do të duhet një periudhë jo e vogël që ekonomia të rikthehet. Pritshmëritë janë që ky vit të ketë një ulje nga 10-16 përqind , çka do të thotë që nuk do të jetë një vit i mirë për ekonominë tonë”, tha Mazniku.

Por nga ana tjetër, ai shtoi se ka disa arsye për të cilat mendon që Shqipëria ka mundësinë e një ringritjeje të shpejtë.

“Ne kemi mundësinë të ringrihemi shpejt, jemi mësuar me situata të tilla dhe dimë të ringrihemi. Fakti që bujqësia ka patur rritje të eksporteve dhe do ta vazhdojnë të rriten. Ne e mbyllëm shumë shpejt situatën dhe ka shanse të kemi një verë me pak raste dhe në mos për turizimin global, për turizmin rajonal t’i japim një shpresë qytetarëve. Shqipëria ka shansin të kthehet në një destinacion COVID safe”, u shpreh Mazniku. /Opinion.al

 

Pas