Kryesore

Tsipras pranon humbjen, Mitsotakis: Jam modest ndaj vendimit të popullit


Bëhu pjesë e Grupit Zyrtar të Opinion.al
>> KËTU <<
               Publikuar në : 21:38 - 07/07/19 |
Al Do

Pas mbylljes së procesit zgjedhor në Greqi, kryeministri Alexis Tsipras, në një prononcim për mediat ka pranuar humbjen.
Ai tha se kishte telefonuar kundërshtarin e tij, Kyriakos Mitsotakis, dhe e kishte uruar për rezultatin që kishte arritur partia Demokracia e Re.
“Respektoj vendimin e popullit. Pak më parë telefonova kolegun Mitsotakis të cilit i urova fitoren në zgjedhje. Në demokraci ndryshimi i qeverisjes është thelbësore. Nuk do të bëjë atë që kanë bërë kundërshtarët e mi, por do të respektoj vullnetin e popullit. Nesër do kryej të gjitha veprimet për të dorëzuar detyrën tek kryeministri i ri Mitsotakis që të fillojë menjëherë punën. I kërkoj Demokracisë së Re të mos e marrë pushtetin me revansh por të jetë në interesat më të mira të grekëve”,-u shpreh Tsipras.
Pak momente më vonë, edhe vetë kreu i Demokracisë së Re doli në një prononcim për mediat. Ai deklaroi me përulje se do të qëndronte modest ndaj vendimit të popullit grek dhe se do të përpiqej të ishte kryeministri i të gjithëve.
“Unë do të jem kryeministër i të gjithë Greqisë dhe do të punojë shumë fort që të bind edhe qytetarët që nuk na votuan. Jam plotësisht vetëdijshëm për përgjegjësinë kombëtare, qëndroj modest ndaj vendimit të populli, por edhe marr forcë për të nesërmen”, tha Mitsotakis.
Ndërkohë që më herët, presidenti në ikje i Komisionit Europian, Jean-Claude Juncker, uroi nëpërmjet një postimi në Tëitter Mitsotakis për fitoren e arritur.
“Dëshiroj t’ju përgëzoj për fitoren tuaj bindëse në zgjedhjet parlamentare. Ti e di lidhjen time personale me Greqinë dhe njerëzit e saj që kanë duruar kaq shumë gjatë dekadës së fundit. Dinjiteti, elasticiteti dhe angazhimi evropian i grekëve meritojnë respekt”, shkruan Juncker.
Mitsotakis do të betohet si kryeministër të hënën në orën 13:00, e ndërsa të martën në mbrëmje pritet të shpallet qeveria e re. /Opinion.al

Pas