Aktualitet

Tre vakancat në Gjykatën Kushtetuese, zbulohen emrat e 9 kandidatëve


Bëhu pjesë e Grupit Zyrtar të Opinion.al
>> KËTU <<
               Publikuar në : 14:23 - 06/07/21 |
Opi Nion

Janë publikuar ditën e sotme emrat e 9 kandidatëve që kanë aplikuar për të qenë pjesë e Gjykatës Kushtetuese.

Tre vendet vakante janë krijuar nga largimi i Vitore Tushës, mandati 9-vjeçar i të cilës ka përfunduar, por qëndron ende në detyrë deri në zgjedhjen e anëtarit të ri. Ndërkohë pritet të plotësohen dhe 2 vendet bosh të lëna nga Fatmir Hoxha dhe Gani Dizdari.

Gjykata e Lartë njofton se për 3 vendet bosh kanë aplikuar: Albert Demirneli (për vendin vakant të krijuar nga largimi i z. Fatmir Hoxha); Alket Jaupi (për vendin vakant të krijuar nga largimi i z. Fatmir Hoxha);

Dhimitrula Spiro (për vendet vakant të krijuar nga largimi i z. Fatmir Hoxha dhe zj. Vitore Tusha); Ervin Karamuço (për vendet vakant të krijuar nga largimi i z. Fatmir Hoxha, zj. Vitore Tusha dhe z. Gani Dizdari); Helena Papa (për vendet vakant të krijuar nga largimi i z. Fatmir Hoxha dhe zj. Vitore Tusha);

Saimir Visha (pa specifikim për cilin nga vendet vakant); Sandër Beci (për vendet vakant të krijuar nga largimi i z. Fatmir Hoxha dhe zj. Vitore Tusha); Vatë Staka (për vendet vakant të krijuar nga largimi i z. Fatmir Hoxha dhe zj. Vitore Tusha) dhe Zhaklina Peto (për vendet vakant të krijuar nga largimi i z. Fatmir Hoxha dhe zj. Vitore Tusha).

Lista e kandidatëve i është paraqitur Këshillit të Emërimeve në Drejtësi për vlerësimin e kushteve dhe kritereve të emërimit të gjyqtarëve në Gjykatën Kushtetuese.

Me tre gjyqtarët e rinj do të bëhet plotësimi i plotë me 9 gjyqtarë i Kushtetuese, e cila aktualisht ka 6 anëtarë me mandat të rregullt. Vihet re që 2 prej kandidaturave janë anëtarë të Këshillit të Lartë të Prokurorisë, Sandër Beci dhe Vatë Staka./Opinion.al

Pas