Ministrja e Shëndetësisë, Ogerta Manastirliu ka zhvilluar një bisedë me homologun Venko Filipçe të Maqedonisë së Veriut, lidhur me tragjedinë e ndodhur në Tetovë, ku deri tani kanë humbur jetën 14 pacientë.
Në një postim në Facebook, Manastirliu shkruan se i shprehu ngushëllimet Filipçes për qytetarët që humbën jetën në tragjedinë e Tetovës, dhe e siguroi për gatishmërinë e vendit tonë për ët ndihmuar në këtë situatë.
“Gjatë bisedës me kolegun Venko Filipce të Maqedonisë së Veriut, i shpreha ngushëllimet për qytetarët që humbën jetën në tragjedinë e Tetovës, dhe e sigurova për gatishmërinë tonë, për të ndihmuar me të gjitha mundësitë dhe burimet tona, në këtë moment të vështirë për fqinjët tanë”, shkruan Manastirliu./Opinion.al
