Të paktën 50 persona kanë vdekur dhe 300 janë plagosur në Indi, pasi një tren me pasagjerë doli nga shinat dhe u përplas me një tren mallrash në qarkun Balasore të Odishas.
Gati 50 ambulanca u dërguan në vendngjarje në rrethin Balasore, tha kryesekretari i shtetit.
Kryeministri indian Narendra Modi tha se ishte i shqetësuar nga incidenti i së premtes në mbrëmje.
“Operacionet e shpëtimit janë duke u zhvilluar në vendin e fatkeqësisë dhe e gjithë ndihma e mundshme po u jepet të prekurve,” shkroi ai në Twitter.
Ndërkohë, ministri i Brendshëm Amit Shah e etiketoi incidentin “thellësisht shqetësues”.
Mënyra se si ndodhi përplasja mbetet e paqartë.
Besohet se disa vagona dolën nga shinat rreth orës 19:00 me orën lokale, me disa vagona që përfunduan në rrugën e kundërt.
Një tjetër tren që udhëtonte nga Yesvantpur në Howrah, mendohet të ketë goditur vagonët e përmbysur.
Përpjekjet e shpëtimit janë planifikuar të vazhdonin edhe gjatë natës.
“Po punojnë gati 50 autoambulanca, por duket se ka shumë të lënduar. Një numër i madh autobusësh janë duke u mobilizuar për të transferuar të plagosurit në spital”, shkroi në Twitter, sekretari kryesor i Odishas, Pradeep Jena.
Aksidentet hekurudhore janë relativisht të zakonshme në Indi ndodhin disa qindra herë në vit, sipas agjencisë së lajmeve Associated Press./Opinion.al
