Sport

Thyen rregullat e pandemisë, Anglia dërgon në shtëpi dy talentet e saj


Bëhu pjesë e Grupit Zyrtar të Opinion.al
>> KËTU <<
               Publikuar në : 17:14 - 07/09/20 |
Al Do

Phil Foden dhe Mason Greenwood janë përjashtuar nga skuadra e Anglisë pasi thyen rregullat e karantinës së koronavirusit në Islandë.

Mesfushori i Manchester City, Foden, 20 vjeç dhe sulmuesi i Manchester United, Greenwood, 18, shfaqeshin në një video në ‘snapchat’, duke kaluar natën me një vajzë të panjohur pas ndeshjes me Islandën ku të dy bënë debutimet e tyre me kombëtaren angleze.

Trajneri Gareth Southgate i cilësoi “naiv” lojtarët dhe tha se ata kanë kërkuar falje.

“Dy nga djemtë kanë thyer udhëzimet e Covid-19”, tha Southgate.

“Ne duhet të vendosnim shumë shpejt se ata nuk mund të kishin ndonjë ndërveprim me pjesën tjetër të ekipit dhe nuk do të ishin në gjendje të stërviteshin.

“Padyshim që ata kanë qenë naivë. Ne kemi trajtuar këtë çështje si duhet. Unë e njoh moshën e tyre, por e gjithë bota po merret me këtë pandemi.

“Tani ata do të duhet të udhëtojnë përsëri në Angli veç e veç.

“Asgjë nuk ka ndodhur në zonat që ne qëndrojmë në hotel.”

Një zëdhënës i Manchester City tha se sjellja e Foden ishte “plotësisht e papërshtatshme” dhe “ra shumë poshtë standardit të pritur nga një lojtar i Manchester City dhe një lojtar anglez”.

Një deklaratë e Manchester United tha se klubi “po lidhet me Shoqatën e Futbollit dhe janë të zhgënjyer me veprimet e Mason Greenwood”. /Opinion.al

Pas