Numri dy i Partisë Demokratike, Arben Ristani, nuk ishte shprehur që prej 26 majit, kur Lulzim Basha e vendosi në Vlorë dhe sekretari i përgjithshëm i PD, mbeti jashtë parlamentit.
Në një intervistë për Vizion Plus, Ristani nuk e fsheh se kreu i PD-së, Basha gaboi me listën.
“Ketu do ta ndaja pak përgjigjen ose do ta krahasoja me nje ekip futbolli dhe do thoja qe trajneri ne rastin konkret kryetari i Partisë per mua do te ishte me mire te me kishte vendosur ne sulm se sa ne mbrojtje dhe ketë e shoh si nje gabim ne taktike. Por po te mendosh qe ne luanim me kanatiere siç luhet futboll dhe pala tjetër luante me skafandra dhe me shkopinj e robokop, ketu pastaj nuk vlen me te diskutohet taktika e zgjedhur nga trajneri.”, tha Ristani, duke shtuar se do të vazhdojë të merret me detyrat e sekretarit te përgjithshëm në PD.
