Kronikë

Theu masën e arrestit dhe qëlloi me armë zjarri, arrestohet 21-vjeçari në Krujë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:31 - 21/11/21 |
Opi Nion

Një 21-vjeçari, me precedent penal në fushën e vjedhjes së pronës dhe armëmbajtjes pa leje, ka thyer masën e sigurisë “Arrest në shtëpi” dhe ka qëlluar me armë zjarri në ajër.

Sipas uniformave blu, pas njoftimit se në fshatin Arrameras, kishte të shtëna me armë zjarri, u bë i mundur identifikimi, kapja dhe arrestimi në flagrancë i shtetasit L. B., 21 vjeç, banues në fshatin Borizanë, i dënuar më parë për vjedhje.

Ky shtetas kishte thyer masën e sigurisë “Arrest në shtëpi”, kishte shkuar në fshatin Arrameras dhe në orët e mbrëmjes ka qëlluar me armë zjarri pistoletë në ajër, në afërsi të banesave.

21-vjeçari, sapo ka parë shërbimet e Policisë ka fshehur armën e zjarrit dhe është larguar, por është kapur disa minuta më vonë.

Vijon puna për gjetjen e armës së zjarrit pistoletë me të cilin 21-vjeçari ka qëlluar në ajër.

Materialet i kaluan Prokurorisë së Rrethit Gjyqësor Krujë, për veprime të mëtejshme, për veprat penale “Armëmbajtja pa leje”, “Prishja e rendit dhe e qetësisë publike” dhe “Largimi i të burgosurit nga vendi i qëndrimit”./Opinion.al

Pas