Presidenti Kosovës Hashim Thaci ka përsëritur edhe njëherë sot idenë e tij se Shqipëria dhe Kosova nuk duhet të kenë kufi ndarës ndërmjet tyre.
Sapo ka mbërritur në Kosovë sot ai ka bërë një postim në faqen e tij të Facebook ku kufirin aktual e quan “gërmadhë”. Më tej në reagimin e tij ai bën thirrje se për heqjen e këtij kufiri duhet guxim dhe vullnet nga ana e të dyja shteteve.
Të njëjtën deklaratë Thaçi e bëri edhe pas takimit me kryeministrin Rama në vigjilje të samitit të Brdo-Brijunit që u mbajt në Tiranë.
Këto deklarata kanë janë komentuar edhe nga pala Serbe të cilët thonë se po bëhet përpjekje për krijimin e “Shqipërisë së Madhe”. Kjo krijoi edhe tensione të cilat u shfaqën edhe gjatë samitit të djeshëm në takimin mes presidentëve.
E për diçka të tillë dje ka folur edhe kryeministri i Republikës së Kosovës, Ramush Haradinaj, i cili ka thënë se duhet që të hiqen barrierat kufitare ndërmjet Kosovës dhe Shqipërisë që të mos ketë shumë vonesa.
