Bota

Tërmeti/ Rritet numri i viktimave në Turqi


Bëhu pjesë e Grupit Zyrtar të Opinion.al
>> KËTU <<
               Publikuar në : 09:07 - 01/11/20 |
Opi Nion

Vijon të rritet bilanci i viktimave nga tërmeti në Turqi.  Autoritetet turke raportojnë se 58 persona kanë humbur jetën për shkak të tërmetit në Izmir dhe 930 të tjerë kanë mbetur të plagosur.

Përpjekjet e ekipeve të kërkim-shpëtimit vijojnë në 9 ndërtesa. Numri i qytetarëve të mbijetuar nga rrënojat arriti në 104. Në spital po trajtohen 243 të plagosur.

Ministri turk i Shëndetësisë ka deklaruar se; “Kemi 243 pacientë në spitalet tona në vëzhgim. Mund të them se gjendja e 3 prej tyre është e rëndë. 15 pacientë i janë nënshtruar operacionit deri më tani. Nuk ka ndonjë gjendje serioze në mesin e pacientëve tanë që i janë nënshtruar kësaj ndërhyrje”.

Tërmeti i fuqishëm që goditi të premten e 30 tetorit Detin Egje midis bregdetit turk dhe ishullit grek të Samos, kishte një magnitudë 6.6 të shkallës të Rihterit. Mediat turke thanë se tërmeti u ndje në të gjithë rajonet e Egjeut dhe Marmaras, ku ndodhet edhe qyteti i Stambollit.

Tërmeti u ndje, gjithashtu, në të gjithë ishujt lindorë grekë, dhe madje edhe në kryeqytetin e Greqisë, në Athinë. Mediat greke thanë se banorët e Samos dhe ishujve të tjerë u larguan nga shtëpitë e tyre. Në ishullin Samos humbën jetën dy adoleshentë nga tërmeti, ndërsa disa të tjerë mbetën të plagosur mes tyre dhe një shqiptar./ Opinion.al

Pas