Një ngjarje e shëmtuar dhe e rëndë është denoncuar sot në Sukth të Durrësit.
Organizata “Animal Rescue Albania” ka publikuar fotot ku tregohet një qen i cili është duke u tërhequr zvarrë nga një makinë.
Ata u kanë bërë thirrje autoriteteve që të veprojnë për këtë rast.
“Çfarë mëkati kaq të madh kishe bërë vogëlush që të tërhoqën zvarrë deri në vdekje, që të torturuan derisa pe vdekjen në sy dhe e ndjeve në çdo qelizë tënden? Ke lehur shumë? Ke ngrënë pulat? Apo mos ishe vallë i sëmurë? Pas kësaj makine është monstra e vërtetë, personi që buzëqesh me gjakftohtësi teksa torturon deri në vdekje këtë qen të gjorë është familjar i juaji, është kushëriri juaj, është komshiu juaj, është miku juaj, është kolegu juaj… nuk i dihet kurrë se nesër këtë krim nuk do ta kryejë në dëmin tuaj”, shkruan “Animal Rescue Albania”.
Pas denoncimit, policia ka njoftuar se ka identifikuar dhe shoqëruar në ambientet e Policisë, bashkë me mjetin e tij tip “Renault”, shtetasin F. P., 50 vjeç, banues në Sukth, Durrës.
Ky shtetas u procedua penalisht për veprën penale “Keqtrajtimi i kafshëve” ./ Opinion.al
Komiteti Parlamentar për Stabilizim-Asociim Shqipëri–Bashkimi Evropian nuk ka arritur të miratojë një rezolutë të përbashkët lidhur me procesin e integrimit...
