Aktualitet

Tentuan të kalonin kufirin me dokumente të falsifikuara, tre turq të arrestuar në Rinas



Bëhu pjesë e Grupit Zyrtar të Opinion.al
>> KËTU <<
               Publikuar në : 09:03 - 20/01/23 |
Opi Nion

Tre shtetas turq të cilët po tentonin që të kalonin kufirin me dokumente të falsifikuara janë arrestuar në Rinas.

Policia bën me dije se në kuadër të operacionit policor të koduar “Last guide”, janë vënë në pranga në kushtet e flagrancës I. C., 34 vjeç, R. B., 19 vjeç dhe H. A., 38 vjeç, të tre banues në Turqi.

Për njërin prej tyre disponohej informacion se kishte ndihmuar shtetas të huaj, për të kaluar kufirin, me dokumente të falsifikuara.

“Shërbimet e Policisë Kufitare Rinas, në vijim të kontrolleve të detajuara të dokumentacionit që paraqesin shtetasit që hyjnë dhe dalin në këtë pikë të kalimit kufitar, bazuar dhe në informacionet e shkëmbyera me partnerët francezë, kanë organizuar dhe finalizuar operacionin policor të koduar “Last guide”, për goditjen e tentativës për të kaluar kufirin në mënyrë të paligjshme, me dokumente false. Si rezultat i këtij operacioni u arrestuan në flagrancë shtetasit I. C., 34 vjeç, R. B., 19 vjeç dhe H. A., 38 vjeç, të tre banues në Turqi.
Shërbimet e Policisë, pas informacioneve të shkëmbyera me partnerët francezë, se shtetasi H. A. dyshohej se kishte ndihmuar për të kaluar kufirin në mënyrë të paligjshme, dy shtetas të tjerë, menjëherë kanë kontrolluar dokumentet e tij dhe të shtetasve I. C. dhe R. B. Gjatë kontrolleve, shërbimet e Policisë iu gjetën këtyre shtetasve, dokumente identifikimi të dyshuara të falsifikuara, të cilat u sekuestruan në cilësinë e provës materiale”-njofton policia.

Materialet i kaluan Prokurorisë, për veprime të mëtejshme procedurale.

Pas