Kryetari i Partisë Demokratike në Librazhd, Bujar Vreto është proceduar penalisht ditën e sotme. Vreto së bashku me një grup qytetarësh tentuan të bllokonin eskortën e kryeministrit Edi Rama në Librazhd.
Mësohet se së bashku me kryetarin e Partisë Demokratike të Librazhdit, janë proceduar dhe katër persona të tjerë të cilët protestuan ditën e sotme para kryeministrit Rama.
Ndërkohë, janë zbuluar identitetet e personave të proceduar, ata janë; Arben Kurti, Roland Abazi, Xhevdet Balliu, Florant Vreto, Arjanit Leka.
Përmes një postimi në rrjetet sociale Bujar Vreto, shkruan se ka qenë vetë kryeministri ai që ka urdhëruar procedimin penal të tyre.
“Demokrate dhe qytetare të lirë të gjithë para policisë se po kërcënohen duke u thërritur në polici njerëzit e pafajshëm!
Drogmeni ka urdhëruar policinë dhe po kërkohen demokratet dhe qytetarët e lirë të paraqiten në komisariatin e Librazhdit.
Nuk na tremb o i mbaruar...”
Nga Librazhdi, Rama kritikoi dhe ironizoi opozitën përsa i përketë djegies së mandateve. Ndërsa, u shpreh se Partia Socialiste në qershor do të fitojë dhe në bastionet e Partisë Demokratike./ Opinion.al E.Xh.
