Bota

Tensionet Ukrainë-Hungari përshkallëzohen për shkak të sanksioneve ruse


Bëhu pjesë e Grupit Zyrtar të Opinion.al
>> KËTU <<
               Publikuar në : 12:43 - 07/04/22 |
Opi Nion

Qeveria ukrainase ka akuzuar Hungarinë se po ndihmon Rusinë të vazhdojë agresionin e saj kundër Ukrainës shkruan BBC.

Ministria e Punëve të Jashtme akuzoi Hungarinë për forcimin e “ndjenjës së mosndëshkimit” të Rusisë lidhur me krimet e dyshuara të luftës të kryera.

Oleg Nikolenko, zëdhënës i ministrisë së jashtme të Ukrainës, shkruan në Tëitter se “ngurrimi i Hungarisë për të pranuar përgjegjësinë e Rusisë për mizoritë” gjithashtu i inkurajon ata të “kryejnë krime të reja”.

“Një propozim për të mbajtur bisedime paqeje në Budapest duket cinik. Nëse Hungaria dëshiron të ndihmojë, ajo duhet të ndalojë dëmtimin e unitetit të BE,”-thotë ai.

Kryeministri Victor Orban – i cili ka qenë prej kohësh një aleat i presidentit rus Vladimir Putin pavarësisht anëtarësimit të Hungarisë në NATO – u rizgjodh në fillim të kësaj jave.

Hungaria është kundër sanksioneve të reja dhe shumë ekzistuese të vendosura tashmë ndaj Rusisë dhe ka refuzuar të furnizojë Ukrainën me armë.

Të mërkurën, Orban i tha Putinit se Hungaria do të ishte e gatshme t’i paguante Rusisë në rubla për importet e gazit – një lëvizje që vendet e tjera evropiane e kanë përjashtuar.

Ministria e Jashtme e Ukrainës kritikoi gjithashtu këtë gatishmëri të deklaruar për të paguar në monedhën ruse, duke akuzuar Hungarinë për minimin e unitetit të BE-së./Opinion.al

Pas