Aktualitet

Tenderi i Ministrisë, i pandehur edhe drejtori i Rezervave të Shtetit


Bëhu pjesë e Grupit Zyrtar të Opinion.al
>> KËTU <<
               Publikuar në : 18:16 - 01/03/21 |
Semiljana Azizi

SPAK ka përfunduar hetimet dhe do të dërgoj për gjykim çështjen e abuzimit me tenderin e ushqimeve për familjet në nevojë.

Bëhet me dije se tre të pandehurit Ylli Imeri, Dafina Keça, Andrea Dapaj janë të akuzuar për veprën penale “Shkeljes së barazisë së pjesëmarrësve në tendera ose ankande publike”.

Në njoftimin zyrtar të SPAK theksohet se të pandehurit, të cilët janë anëtar të Komisionit të Vlerësimit të Ofertave kanë favorizuar subjektet fituese në kundërshtim me aktet ligjore dhe nënligjore në fuqi.
Ndërkaq theksohet se mes të pandehurve është dhe Drejtor (i komanduar), i Drejtorisë së Përgjithshme e Rezervave Materiale të Shtetit, Sokol Zaimi.

Teksa është vlerësuar nga SPAK si i përfshirë në ngjarje, mbi Zaimin rëndon vepra penale “Shpërdorimi detyre”.
Gjithashtu, gjatë hetimit ka rezultuar se nga ana e të pandehurit Sokol Zaimi, me detyrë Drejtor (i komanduar), i Drejtorisë së Përgjithshme e Rezervave Materiale të Shtetit, me mosveprim nga ana e tij, ka sjellë si pasojë përllogaritjen e fondit limit në një vlerë më të madhe, në masën 5,055,000 lekë, për lotin I-rë të tenderit të zhvilluar nga Ministria e Mbrojtjes më datë 25.3.2020 “Blerje paketa ndihme për familjet në nevojë për përballimin e emergjencës së shkaktuar nga rënia e pandemisë së virusit COVID-19, për nevoja të Drejtorisë së Përgjithshme të Rezervave Materiale të Shtetit”, duke konsumuar elemenët e veprës penale të “Shpërdorimit të detyrës”, parashikuar nga neni 248 i Kodit Penal.“-thuhet në njoftimin e SPAK./Opinion.al

Pas