Aktualitet

Hetimet e SPAK për tenderin e Ministrisë, PD: Akuza vetëm për nënpunës


Bëhu pjesë e Grupit Zyrtar të Opinion.al
>> KËTU <<
               Publikuar në : 18:37 - 01/03/21 |
Semiljana Azizi

Pas përfundimit të hetimeve nga SPAK për 3 zyrtarë të Ministrisë së Mbrojtjes që dyshohet se janë të përfshirë në skemën e mashtrimit të tendenderit të po kësaj Ministrie ka reaguar ish-deputeti i PD-së Enkeled Alibeaj.

Nëpërmjet një postimi në “Facebook” Alibeaj shprehet se PD tha të vërtetën. Sipas tij kjo parti të njëjtën gjë ka bërë në gjithë këto 8 vite që ka qëndruar në opozitë.

“Abuzimi i Ministrisë së Mbrojtjes me tenderin e ushqimeve për familjet në nevojë gjatë pandemisë prej sot është i provuar. PD tha të vertetën, siç ka bërë keto 8 vjet në opozitë për çdo aferë të qeverisë së Edi Ramës. Nën drejtimin e Olta Xhaçkës, Ministria e Mbrojtjes bleu ushqimet me dyfishin e çmimit dhe  tenderi iu dha pa garë një kompanie kompjuterash në Maqedoni, e lidhur me bashkëshortin e Ministres Xhaçka.”- shkruan Alibeaj.

Ndërkohë ish-deputeti sjell në vëmendje edhe një tjetër tender nga Ministria e Shëndetësisë. Sipas tij  Ogerta Manastirliu i ka blerë pajisjet mjekësore me 2, 3 dhe 4fishn e çmimit dhe tenderat u shpallën sekrete.

“Dokumentimi i vjedhjes me tenderin e ushqimeve gjatë pandemisë vjen pas dokumentimit nga SPAK të një tjetër denoncimi të PD për vjedhjen me tenderat e pajisjeve mjekësore. Ministria e Shëndetësisë, e drejtuar nga Ogerta Manastirliu, i bleu ato me 2, 3 dhe 4fishn e çmimit dhe temderat u shpallën sekretë.

Për fat të keq, SPAK nuk i shkoi deri në fund këtyre çështjeve, duke ngritur akuza vetëm për nënpunës të nivelit të ulët drejtues. SPAK dështoi të ndeshkojë hajdutët e vërtetë, Edi Rama, Olta Xhaçka dhe Ogerta Manastirliu, që dolën garant për vjedhjen, u perpoqën të mashtrojnë shqiptaret, si dhe sulmuan dhe shpifën ndaj opozitës që denoncoi skandalin.

Vjedhja me prova në kohën me të veshtirë për shëiptarët provon edhe njëherë se Edi Rama i ka braktisur qytetarët. Koha kur qeveria vjedh njerëzit do të marrë fund në 25 Prill! Është koha për ndryshim!”– citon ndër të tjera ai.

Pas