Kryetari i Bashkisë, Erion Veliaj, po zhvillon një dëgjesë të dytë publike me artitektë dhe urbanistë, pas dëgjesës që pati javën e kaluar me artistët e teatrit. Ai tha se në dëgjesën e para u arrit që të ulen tonet. Sipas tij kemi një projekt të mirë dhe tashmë mbetet pjesa e negociimit. Ai tha se aktorët duhet të dëgjojnë arkitektët dhe inxhinierët.
“Teatri është në gjendje skandaloze”, tha inxhinieri Hysenlliu nga Instituti i Ndërtimit. Pas kësaj Veliaj u shpreh se këtë duhet tua thoni edhe shoqatës së artistëve sepse ne u besojmë atyre për artin por për godinat u besojmë arkitektëve e inxhinierëve.
Agron Hysenlliu drejtor i Institutit të Ndërtimit: I kemi thënë drejtorit të teatrit që të pezullojë aktivitetin. Duhet bërë ndërhyrje në 90% të objektit. Nga analiza që kemi bërë kemi dalë në përfundim se objekti është i papranueshëm. Janë bllokuar dyert nga sistemi i ngrohjes, mund të vdesin njerëzit, kur mund të ketë një emergjencë. Në këtë ambient nuk ka fare asnjë sistem për të shajtuar zjarrin, nuk ka ujë dhe as ambient për të mbajtur depozitat. Ne mendojmë që teatri është i papranueshëm, është jashtë çdo kushti teknik. Nuk ka ajrim të mjaftueshëm. Ky institucion është i pabanueshme, pjesa e prishjes apo e jo prishjes nuk na takon ne, por themi se aty nuk duhet të mos kryhet aktivitet, pasi nga dita në ditë mund të ndodh ndonjë gjë e papëlqyeshme. Objekti duhet të rrafshohet dhe të konceptohet siç duhet.
Pjesë nga fjalimi i Veliajt
I besojmë verbërisht aktorëve, për artin dhe kulturën, ama duhet ta reciprokojmë besimin me ata që njohin kodet e ndërtimit dhe infrastrukturës së sigurt, jam i lumtur të mirëpres një ballafaqim, pasi secili duhet të dëgjojë në vetë të parë ekspertët, do tu lë një bashkëbisedim.
