-U tha në Opinion

Të pathënat e atentatit me granatë ndaj kryebashkiakut të Lushnjës


Bëhu pjesë e Grupit Zyrtar të Opinion.al
>> KËTU <<
               Publikuar në : 23:04 - 09/01/20 |
Geljano Fataj

Kryetari i Bashkisë së Lushnjës, Fatos Tushe dhe sekretarja e tij Erisa Qalliu mbetën të plagosur si pasojë e shpërthimit të një granate në mjediset e zyrës së drejtuesit lokal të qytetit në 31 dhjetor të vitit të kaluar.

Mjeti shpërthyes është hedhur nga Gëzim Saraçi, ish shoferi i kryebashkiakut Tushe. Në emisionin Opinion, gazetarët e kronikës kanë dhënë detaje të pathënë për këtë atentat.

Mentor Kikia: Kjo meriton një përgjigje pse u sulmua kryetari i Bashkisë nga shoferi. Unë nuk kam prova të them pse. Nuk ishte një njeri që kishte një problem shtetëror me kryetarin e Bashkisë, nuk ishte një atentat në lidhje me detyrën, pra, kryetari i Bashkisë i refuzoi dikujt një leje ndërtimi, një marrëveshje apo i mohoi një koncesion dhe fond të pa merituar. Shoferi, siç ndodh rëndom në Shqipëri për zyrtarin e ka njeriun më të besuar. Që do të thotë që ka një arsye përtej funksionit të detyrës shtetërore.

Artan Hoxha: E kishte shok, prandaj e ka marrë, se ka marrë kot. Në zyrën e kryetarit të Bashkisë, aq më tepër të hysh me granatë në xhep, kur ne na heqin dhe stilolapsin.

Enton Abilekaj: Arsyet kanë qenë personale, minimalisht ai duhet të kishte dhënë dorëheqjen sepse nuk është goditje për shkak të detyrë, por për hesape personale dhe jo të ligjshme, kuptohet. Ai është kapur në flagrancë në pazar jo shtetëror me dikë. Për çafër arsye është prishur shoferi, ai nuk thotë se kishte dërguar kërkesën për leje për shtesë, biznes… Ai ka thënë se nuk kam asnjë problem me atë, ka qenë shoferi im dhe ka qenë i mërzitur se e hoqa nga puna, gjë e cila nuk është e vërtetë. Ky duhet të jap dorëheqjen, dhe të hetoj dhe ky zotria pse është bërë sulmi.

Klodiana Lala: Në fakt situata ishte e rëndë pasi kishte ndodhur një ngjarje brenda institucionit shtetëror. Rezulton se ish-shoferi kishte takuar kryetarin e bashkisë në momentin që kishte parkuar makinën dhe kishte diskutuar me të dhe më pas janë ngjitur, në fakt kishin debate të vazhdueshme me njëri-tjetrin, sikur kanë deklaruar punonjësit e bashkisë dhe njerëzit që i njihnin nga afër. Debati ka qenë shumë i fortë në zyrën e kreut të Bashkisë dhe në momentin që ka ndërhyrë sekretarja ai ka shpërthyer granatën. Ish-shoferi ka qenë një nga njerëzit më të besuar dhe miqtë e tij më të ngushtë të Fatos Tushes. Ai ka punuar si shofer i tij dhe këtë e pranon dhe vet Tushe, deri në fundin e vitit 2015, fillimi i vitit 2016. Ka qenë një ndër njerëzit më të besuar dhe sigurisht ka pasur një konflikt mes tyre. Flitet për rnjë borxh mes tyre, kryetari i bashkisë i kishte borxh shoferit. Ai ishte një shofer biznesmen dhe kishte një lokal më zonë shumë mirë ekonomikisht, kishte disa probleme kohët e fundit me alkooli e thonin punonjësit e bashkisë, e frekuentonte rregullisht bashkinë dhe pse ishte larguar nga detyra. Konfliktet e tyre kanë qenë të vazhdueshme, duke qenë se kohët e fundit ishte mësuar për dyshimet për një rekord shumë të rëndë kriminale në Itali. Fatos Tushes i është kërkuar që ta largojë atë dhe ta mbaj larg atë se kishte dyshime se shoferi i tij ishte i përfshirë në një rrjet trafiku në Itali dhe Prokuroria shqiptare i ka kërkuar me letër-porosi të dhëna për këtë person. Kishte qenë më herët dhe më pas është kthyer. Ai është konsideruar si një ndër njerëzit shumë pranë Fatos Tushes dhe që e ka financuar. Kur them financim, këtë nuk di ta ndaj. Nëse ishte financim me angazhim personal me mundësit e tij apo angazhim financiar./ Opinion.al

Pas