Kreu i Partisë Demokratike, Lulzim Basha ka dhënë disa shembuj të cilët sipas tij tregojnë se si taksa e sheshtë 9% e propozuar nga ai do të ulë kostot për të gjithë të punësuarit si në sektorin privat ashtu edhe në atë publik, dhe do të rrisë fuqinë blerëse.
Partia Demokratike thotë se kryeministri Rama gënjen kur thotë se punonjësit do të paguajnë më shumë gjatë qeverisjes Basha, pasi ata thonë së në planin PD nuk do të ketë fashë perjashtuese të tatimit mbi të ardhurat.
Por Basha thotë se PD do të ruajë fashën përjashtuese nga TAP për 30mijë lekshin e parë të të ardhurave, dhe tatohet me 9% vetëm diferenca mbi këtë vlerë.
Si shembull ai merr një pagë 40 mijë lekë për të cilën thotë se sipas planit të PD qytetari do të tatohet vetëm 900 lekë ndërsa aktualisht tatohet 1,300 lekë.
Sipas planit të tij të taksës 9%, Basha thotë se punonjësit e policisë do të kenë 1880 lekë më shumë në muaj, punonjësit e arsimit të mesëm dhe infermierët 960 lekë, arsimi i mesëm 1,200 lekë, infermierët në qendrat shëndetësore 620 lekë, sanitaret 560 lekë dhe shoferët e ambulancave 1460 lekë./ Opinion.al
Me taksën e sheshtë 9% do të përfitojnë TË GJITHË të punësuarit si në sektorin privat ashtu edhe në atë publik, dhe do të rritet fuqia blerëse e shqiptarëve. Më poshtë disa shembuj konkretë të përfitimeve të disa kategorive në sektorin publik nga taksa e sheshtë 9%.👇 pic.twitter.com/eCe9ljwQzL
— Lulzim Basha (@lulzimbasha_al) June 28, 2020
