Aktualitet

Takimi me ambasadorët, Basha: 25 prilli s’mund të quhet kapitull i mbyllur


Bëhu pjesë e Grupit Zyrtar të Opinion.al
>> KËTU <<
               Publikuar në : 19:52 - 07/07/21 |
Opi Nion

Kryetari i Partisë Demokratike, Lulzim Basha ka dhënë detaje nga diskutimet e ditës së sotme me ambasadorët e vendeve të Bashkimit Europian.

Përmes një postimi në rrjetet sociale Basha shkruan se Integrimi Europian i Shqipërisë ka qenë dhe mbetet prioriteti kryesor i Partisë Demokratike.

”Diskutime të frytshme sot me ambasadorët e vendeve të Bashkimit Europian. Integrimi Europian i Shqipërisë ka qenë dhe mbetet prioriteti kryesor i Partisë Demokratike, ndaj do të bëjmë gjithçka që vendi ynë të eci përpara në këtë rrugëtim kaq të rëndësishëm për qytetarët tanë.”, shkruan Basha.

Më tej kryedemokrati thotë se që të integrohemi në BE zgjedhjet duhet të jenë të lira, duhet të ketë pavarësi të institucioneve, liri dhe pavarësi të mediave, ndarje të politikës nga krimi dhe luftë ndaj korrupsionit. Duke iu referuar 25 prillit, Basha thekson se nuk kishte lidhje me demokracinë dhe kërkon ndëshkim të fajtorëve.

“Për ne BE do të thotë votë e lirë, pavarësi e institucioneve, liri dhe pavarësi e mediave, ndarje e politikës nga krimi dhe luftë ndaj korrupsionit. Pa këto nuk mund të ketë as zhvillim, as integrim dhe as demokraci. 25 prilli nuk kishte asnjë lidhje me demokracinë dhe për Partinë Demokratike nuk mund të quhet një kapitull i mbyllur. Prandaj ne do të kërkojmë deri në fund hetimin e krimeve zgjedhore, ndëshkimin e fajtorëve dhe kthimin e legjitimitetit dhe demokracisë në vend”, shkruan Basha./Opinion.al

Pas