Sot ish-deputetja Jorida Tabaku ka vizituar disa biznese në Tiranë, ku është njohur nga afër me shqetësimet e shitësve në këtë zonë të cilën vunë në dukje problemet me taksat.
Tabaku është shprehur gjatë bashkëbisedimit se , ka ardhur koha që qytetarët të dënojnë me votë kryeministrin Edi Ramën dhe kryebadhkiakun e Tiranës, Erion Veliajn, pasi sipas saj, kanë larguar shqiptarët nga vendi dhe punojnë vetëm për 5 persona.
“Edi Rama dhe Erion Veliaj janë dështimi më i madh i 30 viteve të demokracisë. Kanë rritur taksat, kanë shkatërruar ekonominë, kanë larguar shqiptarët nga vendi. E kanë bërë Shqipërinë pronë të 5 vetave. Ne duam që në qendër të ekonomisë sonë të jetë biznesi familjar, të jenë njerëzit e ndershëm që punojnë”, tha Tabaku.
Po ashtu, ish-deputetja sqaroi se plani i PD ka në qendër biznesin familjar, biznesin e vogël dhe biznesin e ndershëm.
