Aktualitet

Tabaku nga Vora: PS dhe LSI ka bashkuar votat për të larguar komisionerët e PD


Bëhu pjesë e Grupit Zyrtar të Opinion.al
>> KËTU <<
               Publikuar në : 11:09 - 06/03/22 |
Opi Nion

Nënkryetarja e PD-së Jorida Tabaku ka deklaruar se tre anetarë te PS bashkuan votën me anëtaret e LSI dhe kanë refuzuar qe te zbatojnë vendimin e komisionerit të zgjedhjeve të marrë gjatë ditës së djeshme, për emërimin e komisionerëve të PD.

Në një deklaratë per mediat nga Vora, Tabaku është shprehur se të gjithë përfaqësuesit e PD janë nëpër komisione si vëzhgues por nuk janë duke kryer rolin e tyre si kryetar.

Më tej, Tabaku iu bëri thirrje subjekteve politike të kalojnë përtej porosive partiake dhe politike, dhe të zbatojnë vendimin e Komisionerit të Zgjedhjeve.

“Me një vendim te paprecedente tre anetarë te PS bashkuan votën me anëtaret e LSI dhe kanë refuzuar qe te zbatojnë vendimin e komisionerit të zgjedhjeve  të marrë gjatë ditës së djeshme, për emërimin e komisionerëve të PD dhe vendimin e Kolegjit të Apelimit të marrë mbrëmë në orën 02.00 të natës. Ndërkohë që flasim në qendrat e votimit janë emëruar 22 sekretarët të cilët i përkasin PD dhe akoma nuk ka një vendim për kryetarët të cilët i përkasin po PD në 22 qendrat e tjera.

Të gjithë përfaqësuesit e PD janë nëpër komisione si vëzhgues por nuk janë duke kryer rolin e tyre si kryetar.

Unë iu bëj thirrje subjekteve politike të kalojnë përtej porosive partiake dhe politike, përtej atyre që i urdhërojnë me telefon dhe me mesazhe dhe të zbatojnë vendimin e Komisionerit të Zgjedhjeve dhe vendimin natën vonë mbrëmë të KAS-it.

Të gjithë përfaqësuesit e PD janë nëpër komisione. Unë që në orën 07.00 të mëngjesit kam lëvizur në pjesën më të madhe të qendrave dhe kam vënë re që ashtu siç e deklarova përfaqësuesit e PS me përfaqësuesit e LSI nëpër komisione kanë refuzuar që të zbatojnë këtë vendim.

I kërkoj të gjithë qytetarëve të Vorës, i kërkoj të gjithë qytetarëve të Marqinetit, të Gërdecit, Marikaj, Muçajt, Fushë Prezë dhe të gjithë zonave përreth në bashkinë Vorë dhe të vijnë dhe të votojnë masivisht për subjektin Partia Demokratike.

Siç e shikoni në fletën e votimit ka vetëm një subjekt që e përfaqëson opozitën shqiptare që është Partia Demokratike, subjektet e tjera janë bërë të gjitha bashkë kundër Partisë Demokratike”, tha Tabaku.

Pas