Bota

“Hero i natës”, 11-vjeçari kalon i vetëm kufirin nga Ukraina në sllovak


Bëhu pjesë e Grupit Zyrtar të Opinion.al
>> KËTU <<
               Publikuar në : 11:56 - 06/03/22 |
Opi Nion

Një djalë nga Zaporizhzhia, rajon në juglindje të Ukrainës,  është cilësuar si “hero i natës” nga autoritetet sllovake pasi ata thanë se ai kaloi vetë kufirin e Ukrainës për në Sllovaki.

11-vjeçari mbante një çantë shpine, një qese plastike dhe një pasaportë dhe kishte një numër telefoni të shkruar në dorën e tij, sipas Ministrisë së Brendshme të Sllovakisë.

Ai kaloi i vetëm kufirin sepse prindërit e tij duhej të qëndronin në Ukrainë. Vullnetarët u kujdesën për të, e çuan në një vend të ngrohtë dhe i dhanë ushqim dhe pije”, tha ministria.

Deklarata, e postuar në faqen e ministrisë në Facebook të shtunën, thoshte se falë informacionit të shkruar në dorën e djalit dhe në një copë letre që ishte palosur në pasaportën e tij, stafi në kufi ishte në gjendje të kontaktonte me të afërmit e djalit në Sllovaki të cilët më pas mundën të vinin dhe ta merrnin.

“Ai i fitoi të gjithë me buzëqeshjen e tij, pa frikë dhe me vendosmërinë e denjë si një hero i vërtetë”, thuhet në deklaratë.

Më shumë se 1.2 milionë refugjatë janë larguar tani nga Ukraina që nga 24 shkurti, sipas OKB-së deri më 3 mars. Nga 1,209,976 refugjatët që kanë ikur, shumica e tyre, 53,7%, kaluan në Poloni.

Të tjerë kanë shkuar në vende duke përfshirë Hungarinë, Sllovakinë, Moldavinë dhe Rumaninë./Opinion.al

Pas