Kronikë

“Ta varin”/ Gjyshja e 14-vjeçares që u ngacmua nga drejtori: Nuk dalim dot jashtë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:38 - 07/11/21 |
Opi Nion

Pas ngjarjes së rëndë të ndodhur në Pogradec, ka folur për mediat gjyshja e 14-vjeçares, e cila është ngacmuar seksualisht nga drejtori i shkollës, në fshatin Stropckë.

Gjyshja tha se vajza jetonte me të, sepse prindërit e saj ndodhen në Greqi. Ajo tregoi se drejtori i shkruante mesazhe turpi të miturës.

I ka shkruar çupës në telefon, çupa i kishte thënë kujdestares së klasës, kishte folur me ato pastaj e morëm vesh ne këtë gjë. Ne atë ditë nuk e dinim fare, çupën e kishin marrë e kishin çuar në Pogradec. Ne nuk e dinim pastaj erdhën na thanë që çupa shkoi në Pogradec. Nuk e di çfarë i shkruante, por llafe turpi”-ka treguar gjyshja për mediat.

Ajo gjithashtu tregoi se kjo ngjarje kishte dy javë që ndodhte, ndërsa ka kërkuar edhe varjen e drejtorit të shkollës.

Kishte dy javë që shkruante me çupën. Vajza na tregoi pastaj, prindërit i ka në Greqi ne kujdesemi për të. Shkuan bashkë në komisariat me çupën tjetër dhe babanë e asaj. Dje na thirrën dhe djalin. Ne nuk dalim dot jashtë, për çupën. Shteti e di,ata njerëz që bëjnë këto gjëra, ta varin. Ka 3 ose 4 vjet drejtor në këtë shkollë”,-tha e moshuara.

Policia ka arrestuar 59-vjeçarin, Adriatik Haxhillari, i cili dyshohet se ka ngacmuar seksualisht dy vajza të mitura, të dyja nga 14 vjeç.

Haxhillari ishte drejtor në shkollën 9-vjeçare të fshatit Stropckë. Ashtu siç u raportua edhe dje, ngacmimi ndaj të minoreneve ka filluar disa javë më parë.

Ka qenë policia e Pogradecit ajo që në bazë të informacioneve ka mundur të zbulojë, në prani të psikologeve, nga dy vajzat e mitura të cilat kanë pranuar se drejtori u ka bërë shenja gjatë mësimit.

Po ashtu, ai u ka dërguar sms ngacmuese në orët e natës. Vajzat e mitura nuk kanë treguar në familje dhe as nuk kanë denoncuar, por policia ka mundur t’i bindë për të treguar se çfarë kishte ndodhur./Opinion.al

Pas