Aktualitet

”Ta bëjmë diellin të mrekullueshëm”, Rama: Lezha ka nevojë për turistë


Bëhu pjesë e Grupit Zyrtar të Opinion.al
>> KËTU <<
               Publikuar në : 17:20 - 15/04/21 |
Opi Nion

Kryeministri Edi Rama ka qenë ditën e sotme në Lezhë ku dhe ka zvilluar një takim me qyetarët në kuadër të fushatës elektorale.

Gjatë fjalës së tij kryeministri Rama ka theksuar se plani i PS nuk është plan 3D , por investime të cilat do ta çojnë Shqipërinë në një nivel tjetër duke e kthyer kështu në kampionë Ballkani për turizmin agroturizmin, energjinë si edhe teknologjinë.

Sot këto nuk janë vetëm dëshira, por ambicie të vendosura mbi një bazë që ne e kemi ngritur. Sot Shqipëria punon dyfishin e tokës së vet në bujqësi. Mund të shkojnë në mbi 1 miliard eksporte në këto 4 vite dhe mund të bëhemi të parët në të gjithë këtë rajon sepse kemi kushtet, njerëzit dhe një politikë që është ndryshe nga ajo që ishte, por ajo çfarë na duhet është forca e karakterit për të besuar, duruar dhe vazhduar sa më shpejt. Tani është koha që mund ta them pas asnjë frikë, se duke dalë nga tuneli i pandemisë do të jemi në gjendje t’i shtojmë Shqipërisë portat hyrëse nga qielli dhe nga deti”, tha Rama.

Ndërsa foli për portet turistike, Rama tha se këto projekte do të sjellin turistë të një tjetër niveli në vend dhe se do të jenë gjendje që portat hyrëse të shtohen nga qielli dhe nga deti.

Më tej ai shtoi: Lezha sot ka nevojë shumë më tepër turistë, por këto do t’i sjellim duke i hapur portet turistike që sjellin turistë të një niveli tjetër. Turistë me shumë lekë që konsumojnë shumë kur arrijnë. Ne do të nisim portin e riu turistik më të madhin e vendit tonë, i cili do të sjellë shumë më tepër turistë, por do të hapë një nam shumë të madh tek ata që Shqipërinë e dina akoma vend në mesjetë.

Të gjitha këto janë investime që do të krijojnë punë dhe një zinxhir të tërë shërbimesh që do të kërkojnë sërish njerëz për punë që paguhen mirë. Volumi i këtyre investimeve do të injektojë në ekonominë tonë në totalin e vet 10 miliardë, duke pasur parasysh investimet, në këtë paketë përfshihen edhe investime në infrastrukturë.

Rama e mbylli fjalimin e tij duke thënë: Tani që tuneli i pandemisë po mbaron dhe dielli po shkëlqen përsëri, jemi gati ta bëjmë diellin e Shqipërisë të mrekullueshëm për çdo shtëpi shqiptare./Opinion.al

Pas