Aktualitet

Sulmi ndaj Berishës/PD:Rama mbron agresorin,përpjekje për ta shfaqur si të sëmurë psiqik



Bëhu pjesë e Grupit Zyrtar të Opinion.al
>> KËTU <<
               Publikuar në : 15:11 - 07/12/22 |
Opi Nion

Partia Demokratike ka reaguar sërish lidhur me sulmin ndaj kreut të PD-së, Sali Berisha i cili u godit me grusht nga 31-vjeçari Gerti Shehu në protestën e djeshme të opozitës.

Zëdhënësja e PD, Floriana Garo në një deklaratë për mediat këtë të mërkurë teksa e cilësoi sulmin ndaj Berishës si sulm me motive politike, tha se kryeministri Edi Rama dhe ministri i Brendshëm, Bledi Çuçi po bëjnë gjithçka për të mbrojtur Gerti Shehun dhe për ta çliruar atë nga përgjegjësia e aktit që sipas PD është i porositur duke e paraqitur si të sëmurë psiqik.

“Pas sulmit brutal fizik me motive politike kundër Kryetarit të Partisë Demokratike Prof Dr Sali Berisha nga informatori i policisë kriminale, Gerti Shehu, porositësit dhe organizatorët e këtij akti kriminal, Rama dhe ministri i tij i familjes Bledi Çuçi, kanë vënë në lëvizje të gjithë makinerinë e mashtrimeve për të mbuluar aktin. Për këtë qëllim ata po bëjnë gjithçka për të mbrojtur kriminelin Gerti Shehu, informator i policisë kriminale, dhe për ta çliruar atë nga barra e krimit të porositur duke e paraqitur si të sëmurë psiqik, dhe aktin e tij kriminal si veprën e një të sëmuri psikik”-tha Garo.

Garo akuzoi ish-drejtorin e Përgjithshëm të Policisë së Shtetit Ardi Veliu se po përpiqet të manipulojë faktet ndërsa thotë se gjithsesi ky i fundit nuk ka paraqitur asnjë dokument zyrtar dhe asnjë vendim gjykate se 31-vjeçari Gerti Shehu është i papërgjegjeshëm apo i sëmurë psikik.

“Por në këtë përpjekje ata janë të dështuar plotësisht. Megjithë përpjekjet e Ardi Veliut për të manipuluar dhe falsifikuar çdo gjë, gjer sot nuk kanë paraqitur dot asnjë dokument zyrtar, asnjë vendim gjykate, se krimineli Gerti Shehu është i papërgjegjeshëm apo i sëmurë psiqik i degraduar. Dokumenti që ata përdorin për të provuar problemet psiqike të kriminelit Gerti Shehu, sipas ligjeve të vendit nuk ka asnjë vlerë ligjore. Dokumenti i përdor nga Fuga nuk ka asnjë vlere ligjore, pasi nuk ka, siç e kërkon ligji, asnjë firme apo vule të institucioneve publike të autorizuara për dokumente të kësaj rëndësie. Dokumente të kësaj natyre me fraza të llojit ‘atij që mund t’i interesojë’, janë dokumente jashtë sistemit të referencave ligjore dhe nxirren nga Policia në rruge jo ligjore, dmth jo nga institucione publike, dhe përdoren për të mbyllur arrestimet në flagrance me droge apo në zënka të ndryshme, për shkak të detyrës të informatorëve të infiltruar të saj dhe kanë zero vlerë ligjore. Një dokument i tillë është përdor kur Gerti Shehu është arrestuar nga policia me 2,5 gram kanabis, i futur për të hedhur në kurth shpërndarësit e drogës, apo kur është arrestuar për zënka për shkak të detyrës. Publikimi, thuajse fill pas krimit, i këtij dokumenti të gatshëm nga zyra e Fugës, dëshmon përpjekjen e dështuar të porositësve dhe organizatorve, për të mbrojtur Gerti Shehun nga barra e krimit të porositur. Përveç kësaj, përpjekjen për të maskuar dhe fshehur ideatorët dhe organizatorët e krimit të Gerti Shehut me probleme psiqike, e përgenjështron dhe hedh poshtë totalisht marrja pak muaj më parë e patentës, dokument që nuk u leshohet në asnjë rast personave me probleme psiqike, dhe ndodh vetëm pas paraqitjes së ekspertizës së psikiatrit” -tha Garo.
Në fund të fjalës së saj Garo iu përgjigj edhe deklaratës së ditës së djeshme të drejtorit të Përgjithshëm të Policisë së Shtetit, Muhamet Rrumbullaku.

“Ndërsa lidhur me deklaratën që zëdhënsi i Çuçit, Rrumbullaku, bëri para publikut se krimineli Gerti Shehu nuk ka qënë informator policie, Partia Demokratike ju deklaron shqiptarëve, me përgjegjësi të plotë, se kjo deklaratë është identike me deklaratën e Ardi Veliut me datë 21 Prill të vitit 2021, sipas së cilës në makinën e trafikantit dhe kriminelit elektoral nuk u gjetën materiale elektorale”-tha zëdhënësja e PD.

Pas