Suella Braverman i ka shpallur “luftë” avokatëve të cilët sajojnë kërkesa të rreme për azil kërkuesit.
Gjatë muajve të fundit, një task-forcë në sekret të plotë ka mbledhur të dhëna për kompani avokatore të cilët para-përgatisin historitë e rreme të azilkërkuesve, sipas DailyMail.
Sekretari i Brendshëm kishe caktuar një grup pune kundër korrupsionit për të përmirësuar në mënyrë dramatike mënyrën e mbledhjes së inteligjencës ndaj avokatëve mashtrues.
Ajo vlerësoi hetimin e kësaj gazete muajin e kaluar që zbuloi se disa avokatë po paguanin deri në 10,000 £ për të krijuar pretendime të rreme për azil dhe të drejtat e njeriut për emigrantët e paligjshëm.
Zonja Braverman tha:
“Këto mashtrime e bëjnë shumë më të vështirë largimin e njerëzve që nuk kanë të drejtë të jenë këtu dhe ata duhet të përballen me forcën e plotë të ligjit.
Dua të shoh shkelësit më të këqij në burg dhe ne kemi ligjet në fuqi për t’i sjellë ata para drejtësisë. Unë e di që ekipet tona po punojnë jashtëzakonisht shumë për të çrrënjosur ata që sulmojnë sistemin tonë të azilit dhe mashtrojnë publikun britanik, kjo nuk mund të vazhdojë.”
Taskforca ka punuar në fshehtësi prej muajsh, por ekzistenca e saj u konfirmua zyrtarisht vetëm sot.
Një zëdhënës i Home Office tha se njësia kishte zbuluar tashmë lidhje midis një firme këshillimi për imigracionin dhe “një prej trafikantëve më të kërkuar të qenieve njerëzore”. Detajet e rastit janë referuar në polici, shtoi ai.
Taskforca e Mundësuesve Profesionistë do të trajnojë stafin e emigracionit në vijën e parë për të identifikuar dhe raportuar ‘veprimtarinë e dyshimtë’.
Dosjet e provave do t’i kalojnë policisë ose Agjencisë Kombëtare të Krimit për të nisur ndjekjet penale.
