Kryetari i PD, Sali Berisha ka zhvilluar një takim me ekspertët e trashëgimisë kulturore në Tiranë, me të cilët diskutoi për problematikat e pasurive kulturore të vendit tonë.
Duke u ndalur tek ndërtim i stadiumit “Air Albania”, Berisha tha se kryeministri Edi Rama është i vetmi person që e pëlqen projektin e stadiumit, ndërsa thotë se kulla e stadiumit pengon rritjen e barit, pasi pengon rrezet e diellit.
“Nuk ka njeri që të lavdërojë këtë stadium, përveç Ramës. Kulla dëmton barin në fushë, sepse pengon diellin. Tani është vërsulur në objekte të tjera. Edi Rama me oligarkët e tij po bëjnë gati mbi 100 vila për “Parkun e Butrintit””, tha Berisha.
