Kjo javë në emisionin ‘Opinion’ ka qenë tepër dinamike sa i përket temave nga aktualiteti, por nuk kanë munguar edhe temat soft jashtë tij.
Më poshtë ju njohim me audiencat e ‘Opinion’ për këtë javë:
Mbrëmjen e të hënës në emisionin ‘Opinion’ u fol për dëbimin e dy diplomatëve rus nga Shqipëria. Maksimumi i audiencës ishte 42.6% dhe audienca mesatar ishte 36.7%.
Mbrëmjen e të martës në emisionin “Opinion” u fol për taksën që qeveria shqiptare ka vendosur në ‘Rrugën e Kombit’. Maksimumi i audiencës arriti 37.0% dhe audienca mesatar ishte 27.0%.
Mbrëmjen e së mërkurës në emisionin “Opinion” është trajtuar një temë jashtë aktualitetit e që has gjithmonë debat mes meshkujve dhe femrave. “Pse meshkujt nuk i kuptojnë femrat”, ishte pyetja e ngritur nga drejtuesi i emisionit Blendi Fevziu për të ftuarit në panel ku pati një sërë batutash dhe komente mes të ftuarve. Maksimumi i audiencës ishte 33.7% dhe audienca mesatare ishte 28.2%.
Të enjte (29 mars 2018) emisionin ‘Opinion’ u sollën në vëmendje të publikut tre tema nga aktualiteti: Në pjesën e parë është folur për faktet e reja të publikuara nga PD për çështjen Habilaj. Në pjesën e dytë është folur për Vettingun në Drejtësi. Në pjesën e tretë të emisionit ishte i ftuar kreu i ALUIZNI-t Artan Lame, i cili ka folur për problemet e pronësisë. Maksimumi i audiencës gjatë këtij emisioni arriti në 44.0% dhe audienca mesatare 33.2%.
Sipas të dhënave të mësipërme emisioni më i ndjekur i javës është ai i ditës së hënë ku u fol për dëbimin nga Shqipëria të diplomatëve rus dhe pas tij renditet ai i ditës së enjte. Ndërsa emisioni më pak i ndjekur ishte ai i ditë së martë ku u fol për tarifën në ‘Rrugën e Kombit’.
Siç shihet audienca ka surprizuar këtë herë në ‘Opinion’, pasi emisioni i cili ju dedikua taksës në ‘Rrugën e Kombit’ dhe që pritej të ishte emisioni më i ndjekur i javës nuk arriti të ketë interesin që mendohej tek qytetarët, edhe pse kjo është një temë që prek drejtpërdrejtë xhepat e tyre. Duket se dëbimi i diplomatëve rusë dhe historitë e spiunazhit kanë patur interes më të madh tek audienca se sa problemet ekonomike të vendit të tyre./G.Z-opinion.al
