Aktualitet

Spiunazh në Shqipëri? Antiterrori kërkon hetim për 5 çekë e 2 rusë


Bëhu pjesë e Grupit Zyrtar të Opinion.al
>> KËTU <<
               Publikuar në : 10:45 - 01/07/21 |
Opi Nion

Për pesë shtetas çekë dhe dy rusë, të cilët qëndruan në Shqipëri për 10 ditë, kohë kur në vendin tonë zhvillohej stërvitja ushtarake e trupave të NATO-s, Defender 21, Drejtoria e Antiterrorit i ka kërkuar prokurorisë të hetojë pasi këta persona dyshohen për spiunazh.

Sipas news 24, dyshimet për ta janë ngritur pasi kanë qëndruar pranë bazës ushtarake në urën Vajgurore.

Në dokument thuhet se çekët kanë hyrë në Shqipëri me 1 maj 2021, nga Rinasi dhe njëri prej tyre konkretisht, Filip Carek ka marrë një makinë me qira me të cilën ka udhëtuar në qytete të ndryshme të vendit bashkë më miqtë e tij.

Sipas të dhënave të GPS rezulton se autromjeti me të cilin udhëtonin çekët ka ndaluar për rreth shtatë minuta në rrugën nacionale Berat Ura Vajgurore, pikërisht ne anë të së cilës ndodhet baza ushtarake. Automjeti thotë Antiterrori ka vijuar lëvizjen në drejtim të qytetit të Kuçovës në anë të së cilës vazhdon të jetë këndi tjetër kufizues i bazës ushtarake. Më pas automjeti është kthyer dhe ka vijuar lëvizjen për në Lushnje, Fier, Memaliaj Tepelenë, Përmet e Bënjë. Me 11 maj, çekët janë larguar po nga Rinasi.

Prokuroria e Tiranës e tashmë ka regjistruar çështjen sipas neneve 213 dhe 214 të Kodit Penal, që kanë të bëjnë me dhënie dhe sigurim informacioni.

Sakaq, kujtojmë se me një referim të mëparshëm, policia kërkonte nga prokuroria hetimin e dy shtetasve rusë,  Georgi Budanov dhe Vladislav Cherkasov, të cilët kanë vizituar Shqipërinë para dhe gjatë stërvitjes ushtarake dhe janë të dyshuar gjithashtu për dhënie dhe sigurim informacioni.

Për të dyja rastet, Prokuroria i ka lënë detyra jo konkrete policisë, mes të tjerash mes të tjerash dhe kqyrjen e pamjeve të kamera të një hoteli luksoz në kryeqytet, për të identifikuar personat me të cilët janë takuar rusët.

Organi i akuzës i kujton policisë që nëse shtetasit çekë apo rusë, ndaj të cilëve ngrihen dyshime, do të tentojnë të hyjnë sërish në Shqipëri, menjëherë të njoftohet antiterrori dhe Drejtoria e Përgjithshme e Policisë së Shtetit.

Pas