Kryetari i Partisë Demokratike ka ngritur problemin e spastrimit etnik në Bujanovc gjatë një takimi me kryetarin e kësaj Komune, Nagip Arifi. Në një dalje për mediat, Basha u bëri thirrje autoriteteve të Serbisë që ta ndalin këtë praktikë të paligjshme.
“Në këtë korrik të nxehtë, të nxehta mbeten problemet e mëdha të mbartura prej vitesh për shqiptarët e Luginës së Preshevës ku do të veçoja spastrimin etnik që po i bëhet Komunës ë Bujanovcit, Medgjevës dhe Preshevës. Ky është një proces diskriminues në shkelje të Kushtetutës së Serbisë ndaj partia Demokratike dënon me forcë dhe u kërkon autoriteteve të Serbisë të ndalin këtë praktikë të paligjshme dhe i bën thirrje Bashkimit Europian dhe SHBA-ve që përmes presionit të bëjnë çdo gjë që të ndalin këtë spastrim ku vetëm në Komunën e Bujanovcit mbi 2000 shqiptarë kanë humbur të drejtën e sigurimeve dhe të drejta të tjera. Kjo është shfaqja më e madhe e hendekut midis fjalëve dhe veprave të autoriteteve të Serbisë. E gjithë zona e Luginës së Preshëvës ka vetëm një qendër spitalore dhe diskriminimi vazhdon me pengesën e studentëve për të mësuar në gjuhën shqipe, mosnjohjen
Përkundër kësaj situate dhe sfidave që përballen qytetarëve shurdhon heshtja dhe mosveprimi i qeverisë së Tiranës”- tha Basha.
Ky reagim i Bashës vjen në një ditë kur përfaqësuesit e Shqipërisë, Maqedonisë së Veriut dhe Serbisë mbajtën në Shkup takimin e radhës në kuadër të Forumit Ekonomik për Bashkëpunim Rajonal. Në këtë kontekst, duke u ndaluar tek spastrimet në Luginën e Preshevës, Basha tha: “Nuk e di sa kohë i kushton Edi Rama këtij problemi kur flet me mikun e tij Vuçiç, e nëse i ka kushtuar pak kohë e ka mbajtur sekretin mjaft mirë”./Opinion.al
