SPAK ka përfunduar hetimet për atentatin e bërë ndaj prokurorit, Arjan Ndoja në Shkozet të Durresit, më 1 nëntor 2019. Pas përfundimeve të hetimeve janë të pandehuar Redjan Rraja dhe Arjol Halilaj, ky i fundit në rolin e bashkëpunëtorit.
Ndërkohë, Prokuroria e Posaçme vijon hetimet për personin e tretë qe u shfaq ne video me Redjan Rrajën duke u larguar nga vendi ku braktisën makinën në Shkafan të Ishmit.
Në atentatin ndaj Prokurorit, në nëntor të 2019, mbeti i plagosur Aleksandër Laho, si dhe shoferi i prokurorit Andi Maloku. Ky i fundit, ndërroi jetë pak ditë më pas në spitalin e traumës. Autorët u larguan në drejtim të Shkafanës, ku braktisën automjetin tip Benz, të cilin nuk mundën ta digjnin dot. Pas këqyrjes nga ana e grupit hetimor, në të u gjendën dy maska, lëndë djegëse, dhe dy kallashnikovët e përdorur në atentat. /Opinion.al
