Aktualitet

SPAK letër Kuvendit: Mandati i prokurorëve s’duhet të jetë i kufizuar


Bëhu pjesë e Grupit Zyrtar të Opinion.al
>> KËTU <<
               Publikuar në : 10:49 - 16/11/21 |
Opi Nion

Prokuroria e Posaçme kundër krimit të Organizuar dhe Korrupsionit (SPAK) i ka dërguar këtë të martë një letër Kuvendit të Shqipërisë, kukërkon që mandati i prokurorëve të mos jetë 9-vjeçar, por i pakufizuar.

Sipas SPAK, mandati 9-vjeçar është i gabuar pasi domosdoshmëria për të luftuar korrupsionin dhe krimin e organizuar nuk mund të kufizohet në kohë.

Teksa përmendin mënyrën se si funksionojnë struktura të tjera të ngritura pas Reformës në Drejtësi, drejtuesit e SPAK kërkojnë zgjatjen e mandateve të prokurorëve të tanishëm, për të cilët sipas SPAK shteti shqiptar dhe bashkëpunëtorët ndërkombëtarë kanë investuar dhe po vazhdojnë të investojnë në rritjen e kapaciteteve profesionale dhe funksionale.

“Kushtetuta dhe Ligji nr.95/2016 parashikon që prokurorët e SPAK kanë një mandat 9-vjeçar, pa të drejtë përsëritje. Ndërkohë gjyqtarët e Gjykatës së Posaçme të Shkallës së Parë dhe Gjykatës së Posaçme të Apelit nuk e kanë një kufizim të tillë, po ashtu dhe gjithë prokurorët e tjerë në sistemin e prokurorisë nuk kanë një kufizim të tillë. Një zgjidhje e tillë ligjore mendojmë se është e gabuar për disa arsye:

Domosdoshmëria për të luftuar korrupsionin dhe krimin e organizuar nuk mund të kufizohet në kohë. Eksperienca botërore ka treguar se korrupsioni dhe krimi organizuar nuk mund të zhduken, por duhen luftuar nga strukturat shtetërore në mënyrë të vazhdueshme dhe me efektivitet gjithmonë në rritje. Krijimi dhe funksioni i strukturave të specializuara është një garanci për të patur sukses në këtë luftë.

Shteti shqiptar dhe bashkëpunëtorët kanë ndërkombëtarë kanë investuar dhe po vazhdojnë të investojnë fuqimisht në rritjen e kapaciteteve profesionale dhe funksionale të prokurorëve të posaçëm. Në kushtet që prokurorët e posaçëm kanë mandat të kufizuar, ku investime do të duhet të përsëritet me grupin e ri të prokurorëve që do të përzgjidhen pas mbarimit të mandatit të prokurorëve ekzistues. Mendojmë një zgjidhje ligjore me mandat të kufizuar krijon kosto të mëdha dhe të pajustifikuara”, është kjo një pjesë e letrës që SPAK i ka dërguar Kuvendit.

Pas