Aktualitet

Sot Kuvendi Kombëtar i Berishës, mjete të FSHN e autobote me ujë në “Air Albania”


Bëhu pjesë e Grupit Zyrtar të Opinion.al
>> KËTU <<
               Publikuar në : 08:27 - 11/12/21 |
Opi Nion

Këtë të shtunë duke filluar nga ora 10:00 do të mblidhet Kuvendit Kombëtar i Partisë Demokratike i thirrur nga ish-kryeministri Sali Berisha me firmat e delegatëve të partisë.

Janë më shumë se 4500 delegatë që kanë firmosur për mbajtjen e këtij Kuvendit, emrat e të cilëve janë bërë publik nga drejtuesit lokalë të PD në ditët e mëparëshme.

Sikurse ishte lajmëruar edhe më herët në nismën “Flotorja” e iniciuar prej tre muajsh nga lideri historik i PD, Kuvendi do të mblidhet në stadiumin ‘Air Albania’.

Një ditë më parë ish-kryeministri Sali Berisha, në një video-meazh drejtuar demokratëve ftoi të gjithë anëtarët e PD që të bashkoheshin në këtë Kuvend, duke mos përjashtuar kreun e PD, Lulzim Basha, të cilin e cilësoi kryetar në letër, dhe kërkoi bashkimin e demokratëve për rithemelimin e PD.

Ky forum pritet që të marrë sot disa vendime të rëndësishme, që siç është paralajmëruar pritet shkarkimi i Bashës dhe votimet e disa ndryshimeve në statutin e partisë.

Në Kuvendin e sotëm nga ana e organizatorëve është menduar që në qendër të fushës së stadiumit do jetë i vendosur një skenë ku do mund të flasin figura politike që ndër vite kanë mbajtur pozicione të larta në qeveri si dhe detyra shtetërore, fjalime këto që do të kulmojnë me atë të ish-Kryeministrit Berisha.

Ndërkohë  mësohet se verifikimi i delegatëve të kuvendit do të bëhet përmes letërnjoftimeve që kanë një barkode, ku përmes një pajisjeje me lazer do të tregohet prezenca e secilit anëtar dhe pozicioni përkatës.

Nga ana tjetër Policia e Tiranës ka ndërmarrë masat për parandalimin e çdo incidenti, duke vendosur që dje mjete të FNSH dhe autobote me ujë para “Air Albania” dhe selisë së PD-së./Opinion.al

Pas