Pas një mbylljeje prej më shumë se tre muajsh, transporti publik nis sot aktivitetin. Ministrja e Shëdnetësisë, Ogerta Manastirliu njoftoi dje se tranporti ndërqytetas dhe ai qytetas mund të rifillojnë aktivitetin e tyre por me kusht që të zbatojnë protokollin e masave me 13 pika.
Por pavarësisht lejes për të filluar punë, vetëm disa linja duket se do të vendosin në dispozicion autobusët për qytetarët.
Autobusët nga Korça, Vlora, Shkodra e Fieri do të udhëtojnë sot drejt Tiranës, por edhe drejt qyteteve të tjera.
Por jo të gjithë shoqatat e transportit kanë qenë dakord me vendimin e marrë. Kryesisht në Tiranë, shoqtatat kërkojnë heqjen ose ndryshimin e protokollit të sigurisë pasi sipas tyre krijohen kosto shtesë të cilat kompanitë nuk mund ti përballojnë nga ana financiare.
Unioni i shoqatave të transportit qytetës dhe ndërqytetës shprehen se nuk duhet që mbajnë ata përgjegjësi nëse pasagjerët nuk respektojnë rregullat.
Deri në plotësimin e kërkesave të tyre ata kanë deklaruar se nuk do të dalin në punë.
Një ditë më parë, Ministrja Balluku tha se qeveria po mendon paketë tjetër mbështetëse për ringritjen pas goditjes nga pandemia. Ministrja Balluku u shpreh se kjo paketë e re financiare mbështetëse për shoqërinë e transportit është bërë në konsultim dhe bashkëpunim me Ministrinë e Financave dhe Ministrin Ahmetaj, në mënyrë që të gjejnë incentiva që do të ndihmojnë këtë sektor për t’u rihapur. / Opinion.al
