Kryesore

Sot diskutohet ndryshimi sistemit,axhenda e tryezës për reformën zgjedhore


Bëhu pjesë e Grupit Zyrtar të Opinion.al
>> KËTU <<
               Publikuar në : 10:16 - 29/05/20 |
Al Do

Përfaqësuesit e Këshillit Politik të reformës Zgjedhore do të mblidhen sot në orën 11:00 për të vijuar diskutimet mbi çështjet e lëna pezull teksa mbeten edhe 3 ditë nga afati i përfundimi i draftit të reformës.

Mbledhja e djeshme zgjati rreth 4 orë por palët nuk arritën në një marrëveshje lidhur identifikimin biometrik dhe votimin elektronik. Opozita kërkon që identifikimi biometrik në zgjedhjet e ardhshme të shtrihet në të gjithë Shqipërinë, ndërsa votimi elektronik të pilotohet. Ndërsa maxhoranca, mbështetur në një opinion të ODIHR, kërkon që si identifikimi biometrik, ashtu edhe votimi elektronik, të pilotohen.

Nga këto çështje do të nisë edhe mbledhja e sotme e cila në rendin e ditës ka gjithashtu krimet zgjedhore, depolitizimin e administratës zgjedhore por edhe ndryshimin e sistemit duke shqyrtuar atë danez.

Futjen ndryshimit të sistemit zgjedhor në axhendën e diskutimeve e njoftoi deputetja Rudina Hajdari pas mbledhjes së djeshme.

Bëra një kërkesë ndaj ekspertëve të ODIHR për të bërë një ekspoze të sistemit danez. Besoj se nesër ose ditën pasuese do të diskutohet. Nëse ne nuk ndryshojmë sistemin ose minimumi nuk hapim listat, atëherë nuk bëjmë reformë, por arnime të Kodit Zgjedhor”, tha Hajdari.

Përfaqësuesi i mazhorancës, Damian Gjiknuri u shpreh se në marrëveshjen e fillimit të punës së këshillit politik është rënë dakord që çështjet që kërkojnë ndërhyrje në Kushtetutë të trajtohen në një moment të dytë. Ai shtoi se maxhoranca ka gati propozimin e vet, por rezervohet të flasë për momentin.

Deri tani palët kanë arritur të gjejnë konsensus për 5 pika që lidhen me financimin e partive duke rritur financimin nga ana e shtetit dhe ulur ndjeshëm financimin nga privati, kuotën gjinore në zgjedhje ku 1 në 3 emrat e parë në lista do të jetë një grua, ndryshimi i periudhës zgjedhore, sistemin e monitorimit të kamerave dhe praninë e policisë në zgjedhje jashtë çdo qendre votimi dhe numërimi.

31 maj është dita kur pritet që tryeza për reformën Zgjedhore të dalë me një draft përfundimtar i cili do të shkojë në Kuvend për tu miratuar. Përfaqësitë kryesore diplomatike në këtë vend, në mënyrë të veçatë ambasadorja amerikane Yuri Kim ka kërkuar respektimin e këtij afati si premtim që politika i ka bërë qytetarëve shqiptarë. /Opinion.al

Pas