Forcës Ajrore shqiptare i shtohen helikopterët “Black Hawk”

Ministrja e Mbrojtjes, Olta Xhaçka dhe ambasadorja e Shteteve të Bashkuara të Amerikës në Tiranë, Yuri Kim nënshkruan sot kontratën e pranimit për pajisjen e Forcës Ajrore shqiptare me helikopterë “Black Hawk”, në bazën ajrore të Farkës.

“Ky është një shembull tjetër se si Shqipëria blen kapacitete dhe jo thjesht pajisje. Këta Helikopterë Blackhawk dhe financimi i përbashkët i tyre tregojnë se, dita ditës, Shqipëria po bëhet një aleate edhe më e aftë e NATO-s dhe një bastion më i fortë i sigurisë në rajon dhe më gjerë. Shtetet e Bashkuara dhe Shqipëria qëndrojnë “krah për krah” sot, do të qëndrojmë “krah për krah” nesër dhe të gjitha të nesërmet që vijnë më pas. Faleminderit që më lejuat të bashkohem me ju sot. Pres me kënaqësi ta shoh këtë vend të mahnitshëm nga ajri sapo ata të mbërrijnë.”- tha ambasadorja Kim gjatë fjalës së saj në ceremoninë e nënshkrimit.

Me emrin pas udhëheqësit të luftës së Amerikës, Black Hawk, UH-60A hyri në shërbim me Ushtrinë Amerikane në 1979, për të zëvendësuar Bell UH-1 Iroquois si helikopterin e transportit taktik të Ushtrisë. Seria e helikopterëve Black Hawk mund të kryejë një gamë të gjerë misionesh, duke përfshirë transportin taktik të trupave, luftën elektronike dhe evakuimin për qëllime mjekësore.

Projekti për pajisjen e Forcës Ajrore me këta helikopterë mori rrugë një vit më parë gjatë vizitës që ministrja Xhaçka zhvilloi në Gardën Kombëtare e New Jersey. /Opinion.al