Vijon për të gjitha grup-moshat fushata e vaksinimit kundër Covid-19 në vendin tonë.
Sot dhe nesër nga ora 8 e mëngjesit e deri në 8 të mbrëmjes do të vaksinohen qytetarët mbi 18 vjeç.
Ministria e Shëndetësisë njoftoi të shtunën për vaksinimin e qytetarëve mbi 18 vjeç, teksa theksoi se aplikimet do të kryheshin në portalin qeveritar e-Albania. Sakaq, mësohet se mbi 4 mijë qytetarë deri paraditen e djeshme kanë aplikuar për t’u vaksinuar.
Ata do të kenë mundësi të marrin dozat e një prej vaksinave të përdorura në vendin tonë në vetëm 2 ditë të hapura, më 29 dhe 30 qershor.
Kujtojmë se 24,040 vaksina anti-COVID kanë mbërritur në Shqipëri një ditë më parë, ndërkohë që në total deri më tani në vend kanë ardhur 1,103,690 doza./Opinion.al
