Paraditen e sotme televizionet informative njoftuan se nuk mund të transmetojnë live seancën plenare pasi TVSH që prodhon këtë sinjal kërkon që TV private të paguajnë për shërbimin. Më pas ky ngërrç teknik është zgjidhur dhe rreth orës 10:30 televizonet kanë marrë sinjal nga TVSH-ja.
Kjo ka mjaftuar që Sali Berisha të reagojë ashpër dhe të akuzojë direkt Kryeministrin Rama se po bllokon median e mirë.
Berisha: Ndërprerja e sinjalit për mediat që ndër vite kanë përcjellë ditë e natë punimet e parlamentit është një atentat i rëndë, një akt prej xhelati të fjalës së lirë të Gëllqit të Ramës së zi. Ky vendim është kryekëput vepër e Edi Ramës.
Ai iu del shqiptarëve nga mëngjesi në darkë në ekran. Kërkoj të mblidhet konferenca e kryetarëve të ndryshojnë këtë vendim të pashembullt. Ky është një akt prej xhelati të fjalës së lirë, një dhunim i të drejtës së informacionit.
Ai ka frikë nga 2.4 milionë vota ë votuan kundër apo abstenuan. Ai ka frikë edhe nga hija e tij. U bëj thirrje gazetarëve të protestojnë. Televizionet të bëjnë ‘black out’. Ky (Rama) është një rrezik për vendin për fjalën e lirë.
