Te Fundit

Si nisi historia e avionëve me drogë, dhe si Rama i quante mushkonja për dezinfektim


Bëhu pjesë e Grupit Zyrtar të Opinion.al
>> KËTU <<
               Publikuar në : 15:38 - 10/11/15 |
b.f

 

Uturima e historisë së avionëve me drogë nisi të dëgjohet për herë të parë në prill të vitit 2014, kohë kur Arben Imami, deputet i opozitës, nisi të akuzonte qeverinë për implikim në trafikun e drogës me avionë duke përdorur aeroportet ushtarake.

Shkak për këto akuza u bë publikimi në media i disa fotove të avionëve të vegjël që kishin qëndruar në hambarët e fshatarëve pranë aeroportit ushtarak të Gjadrit.

Më tej ishte ish-kryeministri Berisha i cili këmbënguli nga foltorja e parlamentit se kishte fakte të forta që implikonin qeverinë në trafikun e drogës Shqipëri-Itali.

“Burimet e mia janë Shërbimet Inteligjente të Ushtrisë dhe institucione të tjera të ushtrisë shqiptare. Asnjeri s’e akuzon ushtrinë për trafiqe, as fermerët e shkëlqyer të Divjakës., por zyrtarët që drejtojnë avionët e trafiqeve. Sa i takon Divjakës shko merr denoncimin që kam bërë 3 muaj më parë për këtë rast”,- tha Berisha.

Por në seancën plenare të datës 17 prill 2014, Mimi Kodheli, në cilësinë e Ministres së Mbrojtjes iu drejtua opozitës duke i thënë që “ Ju thjesht akuzoni pa dhënë asnjë provë, pa thënë asgjë më pak sesa infrastruktura e FA është vënë në shërbim të drogës”.

“Turp i madh sa qesharake aq edhe cinike, dhe e papërgjegjshme ndaj FA, ku bëhet gjithë ky sforcim për të prodhuar gjithë këtë baltë. S’ka asnjë provë të vetme dhe fakt të vërtetuar që FA apo bazat e ushtrisë shqiptare janë të implikuara në veprime kriminale për të cilat është folur kaq shumë këtë javë. Nuk ka asnjë provë dhe asnjë fakt…zero.”.

Për të përforcuar bindjen e ministres e tij, nuk mungoi edhe ironia e kryeministri Rama i cili i quajti avionët me drogë mushkonja . “Arrin në pikën sa jo vetëm mushkonjat ti bësh avionë që ulen e ngrihen në Divjakë, por edhe avionët ti ulësh në Levan- Tepelenë ku edhe mushkat do thyenin këmbët e jo më rrotat e avionëve, për të marrë drogën.”

Dhe Rama nuk e ndal këtu ironinë, por e vazhdon dhe më tej. “Duke dëgjuar se doktorit i shkojnë SMS se avionët i ulen, por janë thjesht mushkonja të droguara, se kishte disa vite që askush nuk i hidhte helm, ndaj janë kthyer si avion që pickojnë opozitën dhe këto të opozitës vijnë të pickojnë publikun. Kjo do të marrë fund javës tjetër me dezinsektimin”.

Por pa u mbushuar muaji më 10 maj 2014, një avion tip “Piper” i ngarkuar me dy ton hashash, i drejtuar nga piloti italian Giorgio Riformato, rrëzohet në plazhin e Divjakës, duke i dhënë të drejtë opozitës në funksionimin e rrjetit të trafikut të drogës me avionë dhe rrëzuar pretendimin e kryeministrit Rama se avionët ishin mushkonja.

Ky nuk do të ishte avioni i fundit me drogë që nisej nga Shqipëria dhe kapej në anë tjetër të Adriatikut.

Më 24 gusht 2015 një avion i vogël i drejtuar nga shtetasi Vilson Lamaj u nis nga Italia me destinacion vendin tonë, duke u ulur në orën 07:02 minuta, në një zonë pa shumë lëvizje në afërsi të fshatit Xhelilaj, pranë Sevasterit në Vlorë, ku edhe ngarkoi një sasi prej 120 kg mariuanë. Në momentin e uljes së avionit në Brindizi, policia italiane arrestoi shtetasin shqiptar Vilson Lamaj dhe bllokoi lëndën narkotike.

Më 8 shtator 2015 një avion i nisur nga Shqipëria, i cili më pas transportonte 80 kilogram nga Leçe në Torino,  u kap nga forcat e karabinierisë italiane. Ku edhe u arrestuan dy italianë dhe dy shqiptarë.

Një tjetër avion u kap në muajin tetor në zonën e Torinos në Itali, i cili u finalizua me arrestimin e 4 trafikantëve, dy prej të cilëve shtetas shqiptarë nga fshati Dushkarak i Vlorës. Ku midis të arrestuarve ishte edhe nje efektiv i policisë së Vlorës.

Baza e trafikut sipas antimafias së rajonit të Piemontes ishte aeroporti turistik i Gattinares pranë Torinos. Ndërkohë që Ministri Tahiri ngulmoi në faktin që avioni nuk ishte nisur nga Shqipëria.

 

 

KOMENTO (0)

Shkruaj nje koment

    Pas