Në studionin e emisionit Opinion, teksa po diskutoheshin kushtet e vendosura nga Gjermania palët politike kanë qëndrime të ndryshme. Për opozitën, Oerd Bylykbashi tha se këto kushte tregojnë se qeveria ka dështuar. Për Blerina Gjylameti, kushtet nuk janë gjë tjetër por vetëm detyra shtëpie. Për deputeten Rudina Hajdarin, kushtet e Berlinit bëjnë me faj të dyja palët politike.
Blendi Fevziu: E shihni pozitiv apo problematik vënien e nëntë kushteve?
Blerina Gjylameti: Unë besoj se është vendim pozitiv jo vetëm për mazhorancën por dhe për Shqipërinë. Nga ana tjetër kushtet e vendosur janë pjesë e agjendës së përditshme të qeverisë.
Blendi Fevziu: Janë vendime që nuk i takojnë vetëm qeverisë, vendimi i Gjykatës Kushtetuese nuk e ka më në dorë qeveria.
Blerina Gjylameti: Përsa kohë kemi marrë një reformë në drejtësi që pavarësisht të gjithave polemikave po implementohet. Procesi i funksionimit të Gjykatës së Lartë dhe Kushtetuese apo më mirë të themi plotësimi i vakancave të të gjithë atyre që janë larguar nga proces i vettingut nuk është proces që mënazhohet nga qeverisa por është një proces nga institucionet ndërkombëtare. Përshpejtimi i procesit nuk është në dorën tonë, por e tyre që e monitorojnë këtë proces. Në anën tjetër për implementimin e reformës zgjedhore që në krye të erës kemi qenë të hapur dhe kemi kërkuar dialog pasi nuk ka kaluar asnjëherë më vullnetin të së njërës palë, por me vullnetin e të dyjave palëve.
Ne kishim një tryezë të reformës zgjedhore të organizuar nga OSBE dhe pati një reflektim nga ana e opozitës jashtë parlamentare dhe ardhja në tavolinë. Dhe unë mendoj se këto janë pikat e para dhe po shkojmë drejt tyre. Unë mendoj se të gjitha kushtet nuk ka asgjë ndryshe nga to që hapin kapituj të veçantë, si pjesa e reforma e drejtësi. Mjafton që kemi pjesën e ashpërsimit…
Blendi Fevziu: A ka një të dënuar? Një vetëm.
Ne duhet të ashpërsojmë dënimin. Në këtë pjesë nuk ka diçka ndryshe që ne prisnim. Tre pikat e para janë që nëse kemi një vullnet politike edhe me nxitjen e ndërkombëtarëve, këtë duhet ta arrijmë në, porsa i përketë pjesës tjetër janë pjesë e agjendës.
Oerd Bylykbashi: Dëgjova që këto kushte janë axhenda e qeverisë, në fakt axhenda e qeverisë kanë qenë kriminalizim, kanalizimi, kapja e shtetit. Këto kushte janë dajaku me të cilën Bundestagu kërkon që këtë shenjta ta nxjerri nga qeverisja e shqiptarëve…Ajo që është interesante është se këto 9 kushte, jo vetëm që kemi një rritje numerikisht nga 5 prioritet i çuam në 12 prioritete, i çuam 5 këta na i çuan përsëri 9…jo vetëm ai por janë mprehur. Po marr vetëm një rast që ju përmendet, kjo historia e vettingut …dënimi dhe ndjekja penale…Nuk është thënë ndonjëherë deri më sot…Ne kemi thënë një gjë që në fillim reforma në drejtësi duhet ti çojë të korruptuarit në burg jo në person dhe këta po kërkojnë për herë të parë këtë gjë.
Rudina Hajdari: Sa i përket këtyre kushteve, Gjermania iu ka tërhequr veshin të dyja palëve. Janë shtuar dy kushte, mendoj se këto kushte janë përgjegjësi e të dyja palëve. Pika e fundit është më interesantja, në momentin që Gjykata Kushtetuese do të ngrihet do të kemi zgjedhje lokale shumë shpejt. Duhet të kemi ndjekje penale të këtyre personave që kanë tjetërsuar votat, ne nuk duhet të ngelemi peng i tyre por duhet të vazhdojmë të miratojmë gjërat teknike për reformën zgjedhore./ Opinion.al
