Një tryezë bisedimesh e thirrur nga OSBE të mërkurën për të nisur procesin që mund t’i japë vendit një reformë zgjedhore, u prit me entuziazëm nga ndërkombëtarët por përfundoi me atë që ambasadori i OSBE e quajti “mundësi e humbur”.
Këtë të enjte, në emisionin Opinion u fol dhe për këtë marrëveshje ndërsa të ftuarit kishin mendime të ndryshme në lidhje me ndryshimin e sistemit zgjehdor.
Oerd Bylykbashi: Ne jemi pro reformës zgjedhore ligjore. Problemet më të mëdha të zgjedhjeve, sepse OHDIR dhe Bundestagu… Nuk dënohen ata që shkelin kodin zgjedhor dhe kodin penal. Dhe OHDIR këto thotë, nuk flet për inflacionin. Nuk dënohen ata që cënojnë sekretin e votës, ata që cënojnë lirinë e votës, ata që ushtrojnë presion mbi zgjedhësit, presion me vendin e punës, ata që abuzojnë me vendin e punës.
Blendi Fevziu: Këto janë zbatim ligji…
Oerd Bylykbashi: E kuptuam ku është problemi. Do bëjmë referomë thotë qeveria… Ne jemi për një sistem zgjedhor i cili iu jep mundësi shqiptarëve të përcaktojnë ata se kush do jetë deputetët e tyre. Këtë e kemi thënë dhe në dokument.
Paskal Milo: Ka nevojë për reformë të thellë zgjedhore, ndryshimi i sistemit. Është mënyra se si votojnë qytetarët për përfaqësuesit e tyre, tani qytetarët votojnë për listën që zgjedh kryetari i partisë. Nuk e dinë se për kë votojnë, po nuk u korrigjua kjo, vetëm atëherë mund të garantohet vota e lira. Një ndryshim që duhet të zhbëjë ndryshimet kushtetuese të 2008.
Blerina Gjylameti: Ne jemi për miratimin e reformës zgjedhore ku të adresohen të gjitha problemet. Sistemi duhet të jetë vullneti i të gjithëve. Nuk besoj që problemi është tek sistemi, problemet që zoti Bylykbashi ngriti nuk kanë të bëjnë me reformën zgjedhore por me drejtësinë.
Dashamir Shehi: Ne i kemi problem të gjitha. Unë për vete kam 20 vite që them se do përmbys. Kjo është në favor të opozitës, populli ka shpresë duke bërë një ligj të ri. Unë jam për të ndryshuar ligjin, sistemi të gjitha. Këtu nuk funksionon çdo gjë. Referoma nuk është çelësi për të zgjidhur krizën, ka nevojë për një marrëveshje të madhe që pas është dhe kjo reformë. / Opinion.al
