Teksa na ndajnë 43 ditë deri në zgjedhjet e 25 prillit, kreu i Partisë Demokratike, Lulizm Basha, vijon të rendisë ato që ai i quan “100 dështimet e qeverisë Rama”.
Kryedemokrati mëngjesin e kësaj të premteje në një postim në rrjetet sociale shtron pyetjen se si e ka menaxhuar pandeminë Rama, ndërsa i përgjigjet “keq”.
Teksa publikon shifrat për rritjen e rasteve të vdekjeve nga covid, Basha shkruan se janë këto të dhëna që hedhin poshtë propagandën e Edi Ramës dhe dëshmojnë keqmenaxhimin e pandemisë.
“43 ditë deri më 25 prill. 100 dështimet e Ramës në 8 vite. Si e ka menaxhuar pandeminë Edi Rama? Përgjigjja: Keq! Këto të dhëna hedhin poshtë propagandën e Edi Ramës dhe dëshmojnë keq menaxhimin e pandemisë”, shkruan Basha./Opinion.al
&
