Deputetja e Partisë Demokratike, Grida Duma në një prononcim për mediat është shprehur kundër bojkotit.
Duma foli para se të futej në Kuvend, ku u shpreh se nuk e njeh kandidatin për president Bajram Begajn dhe se gjithashtu nuk e paragjykon atë.
“Kam qenë kundër bojkoteve. Me gjithë dyshimin që kam pasur kam ditur të bëj kritiken ndaj bojkoteve. Nuk duhet të ketë bojkote.
Qëndrimin e kam thënë, profilin e njoh pak, individin Bega. Gjithsesi nuk kam asgjë për të thënë për të si personalitet sepse e njoh pak.
Nuk paragjykoj as për mirë as për keq. Unë e di që ka shumë për të bërë që institucionet të gëzojnë demokraci. Kam thënë që Presidenti duhet ta kishte propozuar opozita, por erdhëm deri këtu”,-tha Duma
Ndërsa kur u pyet nga gazetarët se si do të votojë ajo për këtë kandidaturë të mazhorancës, Duma është shprehur se atë do ta shohim në Parlament.
Si do votoni?
Do ta shikoni kur të jem aty.
