Gjykata Kushtetuese ka ndërprerë seancën ku po shqyrtohej shkarkimi i presidentit Meta. Pas disa orësh punimesh seanca është vendosur të shtyhet për të enjten në orën 10:00.
Mësohet se shtyrjen e ka kërkuar pala që përfaqëson presidentin Meta, edhe për ditën e nesërme.
Por Klotilda Bushka ka thënë se nuk mundet që të ndjekë seancën ditën e nesërme për shkak të një angazhimi në KED. Për këtë arsye, anëtarët e Gjykatës Kushtetuese kanë vendosur që të shtyjnë seancën ditën e enjte.
“Kemi një kërkesë. Dëgjuam me vëmendje përgjigjet e Kuvendit të Shqipërisë për të gjitha pyetjet e gjykatës. Konstatojmë në fakt se çështja e legjitimit të përfaqësuesit të parlamentit është shumë e rëndësishme. Shumë përgjigje të përfaqësuesve bënë përgjigje edhe kontradiktore se sa 104 deputet. Pata mundësin të konsultohem me presidentit për këtë detaj. Me mënyrën si po ecte seanca jo për përgjigjet. Nga konsulta me presidentit ai kërkon të njihet me përgjigjet e Kuvendit. Jemi gati edhe nesër, por së pari të njihet presidenti me këto përgjigje. Kërkojmë të shtyhet seanca qoftë edhe për nesër. T’i çojmë presidentit përgjigjet”,-ka thënë Dervishaj.
